Кириш (СЎз боши)

Testlar bilan ishlash .
Test usuli ta`lim tizimida nisbatan yangi. U o`quvchilar fikrlashini tezlashtiradi, ammo bunda o`quvchi muloqat qilmaydi, o`z fikrini og`zaki ifodalash imkoniyatiga ega bo`lmaydi. Shuning uchun o`quvchilarga dastlabki test topshiriqlarini jamoa bo`lib bajarish imkoniyatini tug`dirish kerak bo`ladi. Chunonchi, “Sifat” mavzusi bo`yicha ishlashda o`quvchilar e`tiborini doskaga osilgan plakatdagi test savollariga qaratiladi.
I test. Nisbiy sifatlar qatorini toping.
A. Yaxshi, katta, ko`rpalik.
B. Qisqa, och, to`lqinsimon.
D. Yashil, ommaviy, johil.
E. Ertalabki, ilmiy, tashqi.
F. Ko`pkina, kechki, kamgina.
Test haqida o`quvchilarda ko`nikma hosil qilish maqsadida sifat haqidagi o`quvchilar bilimi sinab ko`rilishi mumkin. Chunonchi, belgini ifodalashiga ko`ra sifatlarning asliy va nisbiy sifatlarga ajratilishi, ularning asosiy hususiyatlari eslatilsa bo`ladi.
II test. Berilgan gaplardagi aniqlovchi vazifasida kelgan asliy sifat qatorini toping.

1. 
   Dalada kuzgi ishlar qizib ketdi.
   
2. 
   Dam oluvchilar tushki ovqatga kelishdi.
   

4. 
   Bu ikki kichigining tiliga sira tushunmayman
   
5. 
   Aniqlovchining tagiga to`lqinli chiziq chiziladi.
   
6. 
   Musobaqada jizzaxlik o`quvchilar g`olib chiqishdi.
   

Bu test savollar bir-ikki o`quvchi tomonidan o`qitiladi va javoblari so`raladi. Ular o`z javoblarini isbotlashadi. Shundan so`ng boshqa o`quvchilar ham o`z javoblarini aytishib bahslashadi. Test savollariga javob topishda bunday bahs uyushtirish o`quvchilar faolligini oshiradi, ularning og`zaki nutqini o`sishida samarali ta`sir ko`rsatadi.
Aqlpesha o`yinlar .
Bunday o`yinlar sirasiga turli boshqotirmalar, so`zlardan so`z yasash, kataklardagi so`zlarga sinonimlarini qo`yish, bo`sh kataklarni to`ldirish kabilar kirib, ular darsning turli paytlarida o`quvchilarni dam oldirishga qo`l keladi. Bu o`yinlar, albatta, mavzu bilan bevosita bog`lanish kerak.