Кириш (фалсафа доктори (PhD) диссертaцияси аннотaцияси) Диссертaция мавзусининг долзарблиги ва зарурати

Тадқиқот натижаларининг жорий қилиниши. Бўлажак кимё ўқитувчиларининг касбий фаолиятга тайёрлаш методикасини такомиллаштириш бўйича олинган илмий натижалар асосида:

университетларда бўлажак кимё ўқитувчисининг касбий фаолиятга тайёрлаш методикаси таълим парадигмалари

(когнитив, фаолиятли, шахсга йўналтирилган), замонавий ёндашувлар (компетенциявий, шахсий-фаолиятли) ва касбий фаолиятга тайёргарлигини ташҳислаш инструменти (профессиограммаси) асосида такомиллаштиришга доир амалий таклиф ва тавсиялардан 5140500 – кимё (турлар бўйича) бакалавриат таълим йўналиши малака талабларини ишлаб чиқишда фойдаланилган (Олий ва ўрта махсус таълим вазирлигининг 2021 йил 30 январдаги 89-03-556-сон маълумотномаси). Натижада, кредит-модуль тизими шароитида бўлажак кимё ўқитувчиларининг умумкасбий ва касбий компетенциялар тизимини ишлаб чиқишга хизмат қилган;

университетларда бўлажак кимё ўқитувчиларини касбий-методик тайёрлаш мазмуни (касбий компетенцияларни ривожлантириш; субъект-субъект муносабатларини амалга ошириш, касбий тафаккурни шакллантириш); касбий фаолиятнинг ривожланиш даражалари (оптация, касбий тайёргарлик, мослаштириш, касбийлаштириш, маҳорат); педагогик фаолият компоненлари (гностик, лойиҳалаш, конструктив, ташкилий, коммуникатив, ахборот берувчи, ривожлантирувчи, йўналтирувчи, мобилизацион, тадқиқотчилик) асосида аниқлаштиришга оид амалий тавсиялардан 5140500 – кимё (турлар бўйича) бакалавриат таълим йўналиши учун “Кимё ўқитиш методикасидан практикум” ўқув қўлланмасини ишлаб чиқишда фойдаланилган (Олий ва ўрта махсуc таълим вазирлигининг 2021 йил 30 январдаги 89- 03-556-сон маълумотномаси). Натижада, бўлажак кимё ўқитувчиларининг касбий фаолиятга тайёрлашнинг методик имкониятларини кенгайтиришга хизмат қилган;

университетларда бўлажак кимё ўқитувчиларини касбий фаолиятга тайёрлашнинг интегратив модели очиқ, интегратив динамик тизимларнинг ўз ўзаро боғлиқ таркибий қисмлари: мақсадли, мазмунли, фаолиятли, натижавий

баҳолаш ҳамда касбий таянч таълим билан алоқадор амалга ошириш тамойиллари, шахсга йўналтирилган ёндашув, амалий йўналтирилганлик асосида такомиллаштиришга доир таклиф ва тавсиялардан талабалар амалиётларини (кириш,

фан, педагогик) ташкил этиш ва ўтказишда фойдаланилган. Натижада, бўлажак кимё ўқитувчиларининг кабий фаолиятга тайёрлашда фан-таълим ва ишлаб чиқариш интеграциясини таъминлашга эришилган.