Kirish dissertatsiya mavzusining dolzarbligi va zaruriyati

II BOB. UMUMIY O’RTA TA’LIM MAKTABLARIDA PEDAGOGIK JARAYONLARNI TASHKIL ETISH VA BOSHQARISH
1.3-§. Ta’lim samaradorligini ta’minlovchi tashkiliy pedagogik mezonlar
Jamiyatma’naviy-madaniy, iqtisodiy hayoti va mehnat bozorining zamon talablariga mos ravishda rivojlanib borishi taraqqiyotning jadallashuvi, axborot muhitining globallashuvi va kadrlarga bo‘lgan talabni murakkablashtirib boraveradi. O‘zbekiston Respublikasining “Ta’lim to‘g‘risida”gi qonuni hamda “Kadrlar tayyorlash Milliy dasturi”da komil inson va yetuk malakali mutaxassislarni tayyorlash nazarda tutilgan. Mamlakatimizda uzluksiz ta’lim tizimi (Milliy model)ning hayotga tatbiq qilinishi natijasida Davlat ta’lim standartlari ishlab chiqildi. DTSning joriy etilishi esa ta’lim mazmunining o‘zgarishiga olib keldi. Ta’lim mazmunining o‘zgarishi esa, ta’limni modernizatsiyalash orqali amalga oshadi. Ta’limni modernizatsiyalash esa, o‘z nav- batida sifatni oshiradi. Natijada ta’limning sifatli amalga oshirilishining samaradorligi uchun asos bo‘ladi, chunki samaradorlik har doim individual xarakterga ega bo‘lib, shaxsning intellektual-ma’naviy darajasini belgilaydi.
“Kadrlar tayyorlash Milliy dasturi”ning joriy etilishi o‘z navbatida uzluksiz ta’lim tizimi oldiga qo‘yilgan ijtimoiy talab, ya’ni jamiyatning siyosiy, ijtimoiy, moddiy, madaniy, iqtisodiy va fan-texnikaning rivojlanish darajasiga qarab qo‘yildi.
DTS – davlatning ta’lim darajasiga qo‘ygan me’yori sifatida qabul qilinadigan asosiy parametrlar tizimidan iborat bo‘lib, muayyan shaxsning ta’lim tizimidagi mav- jud imkoniyatlari va ularni ideal darajaga yetkazishga erishishni nazarda tutadi. Eng asosiysi, ta’lim oluvchilar shaxsi, ularning intilishlari, ehtiyojlari, iqtidorlari, qobiliyat va qiziqishlari ustuvorligidan kelib chiqadi.
Ta’lim mazmuni – yoshlarga ta’lim berish intellektual-ma’naviy darajasini taraqqiy ettirish va tarbiyalash maqsadida DTSdan tanlanib, ta’lim jarayoniga olib kirilgan bilim, ko‘nikma, malaka va ijodiy faoliyat usullari hamda tabiat, jamiyat va tafakkur hodisa- larni emotsional baholashga doir munosabatlardir. Ta’lim mazmuni uning maqsadiga muvofiq belgilaniladi, ta’lim mazmunining asosini o‘quv reja, o‘quv dasturlari, darslik va o‘quv qo‘llanmalar bilan yoritiladi.