Kirish dissertatsiya mavzusining dolzarbligi va zaruriyati

KIRISH
Dissertatsiya mavzusining dolzarbligi va zaruriyati. Prezidentimiz Shavkat Mirziyoevning 2017 yil 7 fevraldagi "O‘zbekiston Respublikasini yanada rivojlantirish bo‘yicha Harakatlar strategiyasi to‘g‘risida"gi farmonida 2017 – 2021 yillarda mamlakatimiz taraqqiyotini yanada jadallashtirishga doir ustuvor vazifalar belgilab berildi. Harakatlar strategiyasidagi beshta ustuvor yo‘nalishdan to‘rtinchisi ijtimoiy sohani rivojlantirishga qaratilgan. Aholi farovonligini ta'minlash, bandlik, salomatlikni muhofaza qilish, uy-joy masalalari qatoridan ta'lim-tarbiya tizimini taraqqiy ettirish masalasi ham o‘rin olgan.
Farmonga binoan ta'lim va ilm-fan sohasini yanada rivojlantirish borasida kompleks chora-tadbirlar ishlab chiqildi. Bunda xalq ta'limi tizimida keng islohotlarni amalga oshirish orqali ta'lim-tarbiya sifatini oshirish, yangi maktab binolari barpo etish, rekonstruksiya qilish, kapital ta'mirlash, ularni zamonaviy o‘quv-laboratoriya uskunalari, axborot-kommunikatsiya texnologiyalari va o‘quv-metodik qo‘llanmalar bilan to‘liq ta'minlash kabi qator masalalar amalga oshirilishi ko‘zda tutilgan.
Ta’lim tizimining sifat darajasini kuchaytirish ta’lim standartlari va o’quv dasturlarini zamonaviy talablarni hisobga olgan holda tanqidiy tahlil qilish hamda yangilash bilan bir qatorda, ta’lim muassasalarida pedagogik jarayonlarni tashkil etish va boshqarish tizimini ham taqazo etadi. Respublikamizda ta’lim-tyarbiya tizimining sifat darajasini kuchaytirish masalasi muhim ahamiyatga ega bo’lgan ustuvor vazifalardan biri sifatida belgilanishi va ta’lim tizimining sifat darajasini ko’tarishga qaratilayotgan e’tibor barcha ta’lim muassasasi rahbarlari va o’qituvchilarning o’z ustida ishlashi, izlanish olib borishi va pedagogik jarayonlarni zamnaviy talablar darajasida, ilmiy asoslarda tashkil etish yo’nalishlarida o’ziga xos talablar belgilaydi. Bugungi kunda, barkamol shaxsni shakllantirish masalasi davlat siyosati darajasigs ko’tarilgan bo’lib, uni amlga oshirish jarayoni hisoblangan pedagogik jarayonlar samaradorligini ta’minlash esa, barcha ta’lim muassasalari rahbarlari, o’qituvchilari, ta’lim-tarbiya jatrayoni subyektlari va mutaxassis xodimlarning faoliyatini samarali tashkil etish va takomillashtirish strategiyalarini ishlab chiqish hamda ularni amalga oshirish mexanizimlarini yaratish zaruryatini belgilaydi.