Кириш битирув малакавий ишининг долзарблиги ва аҳамияти

У қуйидагича амалга оширилади:

1. 
   Куз охирида ер ҳайдалиб, яхши текисланганидан кейин, бир-биридан 180 см узоқликда, чуқурлиги 16-18 см, эни 60 см бўлган параллел эгатлар ҳосил қилинади;
   
2. 
   Эгатларнинг туби ён томонлари ва устлари эни 120см бўлган пленка билан ёпилиб тарнов (ново) ҳосил қилинади, тубига юпқа қилиб тупроқ сепилади ва пленкада тешикчалар ҳосил қилинади.
   

Плёнкали тарнов (ново) ёғингарчиликнинг чучук сувларини йиғади, улар тешикчалар орқали тупроққа сингиб уни шўрини ювишга хизмат қилади. Келаси йили март ойининг иккинчи ярмида, илгаридан кузда тайёрлаб қўйилган эгатлар устидаги пленка тешилиб, қатор оралари 60 см қилиб чигит экилади. Плёнка баҳор давридаги сел ёмғирлар туфайли қатқалоқ ҳосил бўлишидан ҳимоялайди.
Май ойи охиридан бошлаб, ғўза пленкали тарнов орқали суғорила бошланади. Бунда сув, пленкада ҳосил қилинган тешикчалар орқали тупроққа сингиб кетади, аммо буғланмайди. Шу боис, пастки қатламлардаги тузлар тупроқ сиртига кўтарилиб чиқа олмайди. Иккинчи томондан эса, энг муҳими қаттиқ қурғоқчилик йиллари, қудуқ ёки захкашдан олинадиган жуда оз миқдордаги сув билан ҳам, бир зумда катта майдондаги ғўзаларни етарли даражада намлик билан таъминлаш имконияти туғилади.
2.3. Сув ресурсларидан фойдаланиш самарадорлиги
Ер ресурсларидан самарали фойдаланиш ўз навбатида сув ресурсларидан ҳам оқилона фойдаланиш заруриятини келтириб чиқаради. Чунки ўсимлик дунёсини сувсиз тасаввур қилиб бўлмайди. Буни иссиқ ўлка ҳисобланган бизнинг республикамизда яққол кўриш мумкин. Шунинг учун сувни тежаш, ундан оқилона фойдаланиш қонун билан белгилаб қўйилган. Ўзбекистон Республикасининг 1993 йил 6 майда қабул қилинган «Сув ва сувдан фойдаланиш тўғрисида»ги қонунида сувнинг давлат мулки эканлиги, умумий бойлик ҳисобланилиши, сувдан оқилона фойдаланиш лозимлиги ва у давлат томонидан қўриқланиши таъкидлаб ўтилган. Яна шу қонунда республиканинг ягона давлат сув фонди: дарёлар, кўллар, сув омборлари, бошқа ер усти сув ҳавзалари ва сув манбалари, канал ва ҳовузларнинг сувларидан, ер ости сувлари ва музликлардан иборатлиги кўрсатиб ўтилган. Мамлакатимизга қардош Қирғизистон ва Тожикистон Республикаларидан Сирдарё, Амударё ва Зарафшон каби дарёлар оқиб келади. Улардан, Орол денгизи ва Ҳайдаркўл каби кўл сувларидан фойдаланиш ҳуқуқи давлатлараро битимларда белгилаб берилади.
Шундай қилиб, сувнинг аҳамиятини ва уни тежаш кераклигини қуйидаги маълумотлар билан тасдиқлаш мумкин. Агарда тупроқ таркибидаги намлик 65-80 фоиз бўлса, ердан ҳосил олиш мумкинлиги илмий тадқиқотлар натижасидан маълум. Масалан, 1 ц ғалла (буғдой, рож, арпа, тариқ)ни олиш учун 30-40 тонна, картошка учун – 18-20 тонна, шоли учун – 135-140 тонна ва пахта учун – 800-1000 тонна сув зарурдир. Сув ўсимлик учун фотосинтез вазифасини ўтайди.

Қуйидаги жадвалда қишлоқ хўжалик экинларининг ўртача суғориш сони ва нормалари кўрсатилган. Белгиланган сув ресурсларини нобуд этган корхоналар жарима тўлайдилар.