Карданли узатмалар. Бош узатма, дифференциал. Автоматик трансмиссиялар. Автоматик бошқарувнинг тизим ости элементлари. Режа

3.15-расм. Электрон бошқарув тизимининг асосий элементлари: 1–бошқарув блоги; 2–уланиш кабели; 3–бошқариш ричаги; 4–электрик улагич; 5-ГМЮ
Ҳайдовчи ричагни чапга силжиш орқали УҚ ни қўлда бошқариш режимига ўтказади. Ричаг олдинга ёки орқага силжитилса, мос равишда узатмани ошириш ёки пасайтириш режимига ўтилади. Узатмаларни бундай алмаштириш секвентил алмаштириш дейилади. Бошқариш электрон блоги мослашувчан бўлиб, ҳайдовчининг автомобилни бошқариш манерасини эслаб қолади ва узатмалар алгоритмини шунга мослаб боради.
3.3. Вариаторли узатмалар қутилари
Вариаторли УҚ лар поғонасиз бўлиб, маълум чегарада хоҳлган узатишлар сонини олишга имкон беради. Кўп мамлакатларда бундай узатмалар қутилари CVT (Continuousli Variable Transmission–доимий ўзгарувчан трансмиссия)–ҳарфлари билан белгиланади. Ҳозирги пайтда автоматик УҚ ларда понасимон тасмали ва тороидли вариаторлар қўлланилади.
Понасимон тасмали вариаторлар. Автомобилларда илк бора конуссимон тасмали DAF Variomatik вариаторга эга трансмиссия 1950 йилда фойдалнилган. Variomatik трансмиссияда конус юзали шкивлар орасига сиқилган конуссимон тасма узатма вазифасини бажарган. Шкивлар икки бўлакдан иборат бўлиб, улардан бирлари шкив ўқи бўйлаб силжий олган ва пружина ёрдамида иккинсига сиқилиб турган. Шкивнинг силжий оладиган бўлаги иккинчи бўлакка яқинлашган сари шкив радиуси катталашган, аксинча ҳолда эса кичрайган. Бу эса ўз навбатида понасмон тасма ёрдамида айланаётган шкивлар бурчак тезликларини поғанасиз ўзгартиришга имкон беради.
Бундай конструкция бир мунча камчиликларга эга бўлган. Иккита шкив орасида сиқилиб ишловчи резина тасмалар тез ишдан чиққан, уларни алмаштириш эса анча мураккаб бўлган. Трансмиссия катта буорвчи момент узата олмаган, шунинг учун уларни фақат кам қувватли двигателга эга автомобилларда қўллаш мумкин бўлган. Бундан ташқари бундай трансмисили автомобил орқага ҳам олдинга ҳаракатдаги тезлик билан ҳаракатланган. Бу эса анча ҳавфли ҳисобланади. Голландиялик муҳандис Ван Доорн понасмион тасмали вариатордаги резина тасмани махсус шаклга эга металл пластинкли темир тасма билан алмаштирган.