Карданли узатмалар. Бош узатма, дифференциал. Автоматик трансмиссиялар. Автоматик бошқарувнинг тизим ости элементлари. Режа

3.7-расм. Олти золдирли тенг бурчак тезликли шарнир: 1-ички шарнир корпуси тўхтатиш ҳалқаси; 2- ички шарнирнинг ҳимоя ҳалқаси; 3- ички шарнир корпуси; 4-вал тираги; 5-тўхтатиш ҳалқаси; 6-обойма; 7-золдир; 8-тирак ҳалқаси; 9-сепаратор; 10-ташқи хомут; 11-ички шарнир фиксатори; 12-ҳимоя қопламаси; 13-ички хомут; 14-ғилдирак юритмаси вали; 15-ташқи шарнир ҳимоя ҳалқаси; 16-ташқи шарнир корпуси

3.8-расм. Саккиз золдирли шарнирлар
Бу эса шарнир ўлчамларига таъсир қилади. Валнинг максимал бурилиш бурчаги 20⁰ бўлиб, золдирлар нофақат ариқчалар бўйлаб юмаламайди, балки сирпанади. Бу эса ўз навбатида шарнир ФИК ни пасайтиради. NTN-SNR компанияси PCS (Prss Connected Splines–Пресс–шлицали бирикма) технологиясини ва саккиз золдирли тенг бурчак тезликли шарнир ишлаб чиқариш орқали (3.8-расм) шарнир ФИК ни ва ишончлилигини оширди.
3.2.Бош узатма
Бош узатма автомобил бўйлама ўқига нисбатан 90⁰ бурчак остида жойлашган яримўқлар орқали ғилдиракларга буровчи моментни доимий равишда ошириб узатиб бериш учун хизмат қилади.
Шестернялар жуфтлигини турига қараб бош узатмалар червякли, конуссимон, гипоидли ва цилиндрик турларга бўлинади. Агар бош узатма бир жуфт шестерняга эга бўлса, битталик, иккита шестерняга эга бўлса, иккиланган дейилади.
Червякли бош узатмалар ихчам ва шовқинсиз ишласада, ФИК паст (0,9–0,92) бўлгани учун ҳозирда автомобилларда ишлатилмайди.
Конуссимон бош узатмалар ФИК юқорилиги бўйича мавжуд бош узатмалар ичида цилиндрик бош узатмадан кейин иккинчи ўринда (0,97–0,98) туради, аммо улар орасида энг сершовқини ҳисобланади.
Гипоидли бош узатмалар автомобилларда 1925 йилдан бери қўлланиб келинади. Конусли бош узатмалардан фарқли ўлароқ, бу узатмаларда тишли ғилдираклар ўқлари кесишмайди. Бунда одатда етакчи шестерня ўқи етакланувчи шестерня ўқидан пастда жойлашган бўлади. Бу эса автомобил оғирлик марказини пасайтиришга ёрдам беради. Гипоидли бош узатманинг асосий афзалликлари: кичик габарит ўлчамлар, бир вақтда илашувчи тишлар сони кўп ва илашиш юзалари катта бўлгани учун тишларга тушадиган юклама конуссимонга қараганда анча паст ва шовқинсиз ишлайди, автомобил компоновкасига таъсир қилиш имконияти мавжуд (оғирлик марказини пасайтириш, кузов полидаги карданли узатма жойлаша диган тоннелни кичрайтириш ва ҳ.). Шу билан бирга ўқлар силжиши илашмада сирпаниш ишқаланиш кўпайишига олиб келиши оқибатида ФИК 0,96 гача пасаяди.