К. Абдуназаров, А. Зайнуддинов умумий ер

14.2. Антропоген ва табиий-антропоген комплекслар. 
Инсоният жамиятининг ривожланиши давомида унинг табиатга таъсирини 
кўлами ва миқёси доимо ўсиб борган ва бормоқда. Натижада турли хил Антропоген ва 
табиий-антропоген комплекслар вужудга кела бошлади. Мазкур комплекслар табий 
антропоген ва антропоген ландшафтлардир. 
Антропоген ландшафтшунослик Ф.М.Мильков ва унинг шогирдлари томонидан 
ривожлантирилди.
Антропоген ландшафтларнинг турли хил синфлаштириш схемалари мавжуд. 
Улардан энг кенг тарқалгани инсон фаолияти турига ва келиб чиқишига кўра 
синфлаштиришдир. 
Инсонни фаолияти турига қараб 8 та антропоген ландшафтлар тури ажратилади: 
Қишлоқ хўжалик ландшафтлари, ўз навбатида тўртта синфчалардан иборат: 
суғорма дехқончилик, ўтлоқ-яйлов, боғ ва аралаш. 

---

191 
Саноат ландшафтлари синфи саноат ишлаб чиқариш жараёнида вужудга келади. 
Энг кенг тарқалган турлари: карьер, ташлама, террикон, карьер-ташлама ва х. к. 
Чизиқли йўл ландшафтлари турли хил йўлларни қурилиши натижасида ҳосил 
бўладиган ландшафтлардир. 
Антропоген ўрмон ландшафтлари синфи маданий ўрмонлар ва кесилган 
ўрмонлар ўрнида вужудга келган иккиламчи ўрмонлардан иборат. 
Гидроген ландшафтлар синфи сув омборларидан, ҳовузлардан, каналлардан 
иборат. 
Рекреация ландшафтлари синфи дам олиш зоналари ва туризм таъсирида 
вужудга келади. 
Селитеб ландшафтлар синфи шаҳар ва қишлоқ ландшафтлари турига бўлинади. 
Беллигератив ландшафтлар (лот. belligero- уруш олиб бориш) мудофаа қўрғонлари ва 
бошқа ландшафт турларидан иборат. 
Келиб чиқишига кўра антропоген ландшафтлар техноген, агроген, пироген ва 
дигрессион гурухларга бўлинади. Бундан ташқари антропоген ландшафтлар мақсадли, 
номақсадли, (шудгорланган жойдаги жарлар, суғориладиган ерлардаги шўрҳоклар), 
маданий ва номаданий гурухларга ҳам бўлинади.