ДАЛОЛАТНОМА
07.06.2022 йил Қумқўрғон. тумани
Бизлар ким ушбу далолатномани тузиб имзо чекувчилар, Аму-Сурхон ирригация тизимлари ҳавза бошқармаси бўлим бошлиғи А.Холбоев, Сурхондарё вилояти сув омборларидан фойдаланиш бошқармаси бошлиғи ўринбосари Ф.Абдураимов, Қумқўрғон туман ҳокимлиги бош мутахассиси С.Абдураимов, Қумқўрғон туман йўллардан фойдаланиш унитар корхонаси ишлаб чиқариш ва фойдаланиш бўлими бошлиғи Ж.Бозоров ҳамда “Тўғон” махалласи раиси Ш.Бобоқуловалар Қумқўрғон туман “Тўғон” махалласида яшовчи фуқаро И.Жўраевнинг Ўзбекистон Республикаси Бош вазири А.Арипов, Сурхондарё вилояти ҳокимига ҳамда вазирлик ва идораларга ёзган мурожаатида Сурхондарё дарёси устидан ўтган дарёнинг 26-пикетда жойлашган метал қувурли кўприкни таъмирлаб беришда ҳамда “Тош-қум саралаш” хусусий корхонаси томонидан кумларни олиши натижасида
Жанубий-Сурхон сув омборига хавф солиб келаётганлиги сабабли хавфни олдини олишда амалий ёрдам сўраб мурожаат қилганлиги аниқланди.
Ушбу мурожаат жойида ўрганиб чиқиш учун мурожаатчининг уяли алоқа телефонига қўнғироқ қилганимизда фарзандлари гўшакни кўтариб отаси И.Жўраев уйида йўқлиги уяли телефон ишлатмаслигини билдириб ўтганлиги боис муаллиф иштирокисиз ўрганиб чиқилганда Сурхондарё дарёсининг “Тўғон” махалласи худудидан ўтган қисмида “Қорсоқли”, “Имомтепа”, “Чаёнтепа” ва “Янгиер” махаллалари билан боғловчи кўприк 1950 йилда махаллий ахоли томонидан хашар йўли билан қурилганлиги, бугунги кунда хақиқатдан ҳам фойдаланиш учун яроқсиз аҳволда эканлиги аниқланди.
2019-2022 йилларда Сурхондарё вилоятининг Қумқўрғон туманини комплекс ижтимоий-иқтисодий ривожлантириш чора-тадбирлари тўғрисида Ўзбекистон Республикаси Вазирлар Маҳкамасининг 2019 йил
15 октябрдаги 871-сонли қарорининг 3-иловаси кўприклар йўналишининг
4 бандида Сурхондарё дарёсининг “Тўғон” махалласи худудидан ўтган қисмида “Қорсоқли”, “Имомтепа”, “Чаёнтепа”, ва “Янгиер” махаллалари билан боғловчи яроқсиз ҳолатига келиб қолган кўприкни қайта қуриш объектига 650 млн.сўм маблағ режалаштирилиб, 2022 йилда амалга ошириш қарор билан белгилаб берилганлиги аниқланди.
Ушбу кўприкни таъмирлаш учун қисқа кунларда лойиҳа-смета ҳужжатларини ишлаб чиқиш ва белгиланган тартибда қурилиш ишларини олиб бориш юзасидан туман йўллардан фойдаланиш унитар корхонаси мутахассисларига тегишли тавсиялар бериб ўтилди.
Бундан ташқари мурожаатда кўрсатиб ўтилган қум-тош аралашмаларини ноқонуний ковланиб, Жанубий-Сурхон сув омборига катта хавф солаётганлиги юзасидан жорий йилнинг 21 май куни Сурхондарё вилоят Экология ва атроф-муҳитни муҳофаза қилиш бошқармаси Қумқўрғон тумани бўлими бошлиғи ва мутахассилари томонидан жойида ўрганиб чиқилганда, туманнинг “Тўғон” махалласи ҳудудидан оқиб ўтувчи Сурхондарё дарёси қўйилиш жойидан 33-пикетгача ўрганилганда дарёнинг қирғоғи хамда ўзанидан ноқонуний қум-тош аралашмаларини олаётган фуқора ва ташкилотлар аниқланманлиги суҳбат баёни орқали мурожаатчига тушунтириб ўтилганлиги аниқланди.
Муржаатдаги кўтарилган масаллар юзасидан мурожаатчи И.Жўраевга тушунтиришлар бериб ўтиш юзасидан “Тўғон” махалла фуқаролар йиғини раисига тушунтириб ўтилди.
Ушбу далолатнома тўғри деб имзо чекувчилар:
А.Холбоев
Ф.Абдураимов
С.Абдураимов
Ж.Бозоров
Ш.Бобоқулова
Do'stlaringiz bilan baham: |