Консолли ағдарма ҳосил қилгичли технологик комплекслар тавсифи

Консолли ағдарма ҳосил қилгичли технологик комплекслар тавсифи

• Режа
• 1. Очиш ва қазиш ишларининг технологик комплекси.
• 2. Консолли ағдарма ҳосил қилгичлардан фойдаланишда экскавациялаш схемалари.

Очиш ва қазиш ишларининг энг оддий технологик комплекси битта роторли ёки лентали конвейер билан жиҳозланган тўлиқ бурилмайдиган қурилмага эга консолли занжирли кўп чўмичли экскаваторни ўз ичига олади (7.1-расм). Очилган юмшоқ жинслар ва қатламлар бундай экскаваторни қўллаш билан навбатма-навбат қазилади. Жинслар юк тушириш конвейери орқали қазилган бўшлиққа силжитилади (7.1, а-расмга қаранг). Фойдали қазилма конвейерга ёки ғилдиракли транспорт воситасига юкланади, бунда консол иш майдонига 25-30° бурчак остида бурилади (7.1, б-расмга қаранг).

Жинслар ва фойдали қазилмани навбатлаб ва алоҳида қазиб олишда қазиш ишларини даврий олиб бориш туфайли карьернинг мумкин бўлган ишлаб чиқариш қуввати камаяди, ишларни ташкил қилиш қийинлашади, транспортдан даврий фойдаланиш ҳам юзага келади. Очилган жинслар ва фойдали қазилма қатламларининг нисбатан унча катта бўлмаган (20-30 м.гача) жамланма қалинлиги мавжуд шароитларда сувланмаган конларни қазишда комплексни қўллаш мумкин.

Қазишда қўшимча экскаваторни қўллаш воситасида комплексни алоҳида очиш ва қазиш ишлари технологик комплексларига бўлиш билан очиш ва қазиш ишларини узлуксиз бажаришга эришилади (7.2, а-расм).

7.1-расм. ВО жиҳозлари комплекси ва ВТР комплексининг бош машинаси сифатида битта роторли экскаватордан фойдаланишда технологик комплекс схемаси
(7.2, а-расм).Кўп чўмичли экскаваторлардан ва консолли ағдарма ҳосил қилгичлардан фойдаланишда очиш технологик комплекслари схемалари
7.3 расм. Консолли ағдарма ҳосил қилгичлардан фойдаланишда экскавациялаш схемалари.

Роторли экскаватор очилган жинсларни қазишни ва қазилган бўшлиққа силжитишни, қазиш экскаватори эса фойдали қазилмани транспорт воситасига юклашни амалга оширади. Транспортли алоқалар шипда, асосда ёки уюмнинг оралиқ қатламига жойлаштирилади. Қатлам ва очилган жинслар қалинлиги ортиши билан, шунингдек, фойдали қазилманинг кўп очилган захираларини яратиш зарурлигида, роторли экскаваторга ўрнатилган консол узунлиги етарли бўлмаслиги мумкин ва очиш жиҳозларининг комплексига махсус консолли ағдарма ҳосил қилгич киритилади, унга жинслар бевосита экскаватордан (7.2, б-расм) ёки конвейерли юк туширгич-юк ортгич орқали тушади (7.2, в-расм).