Жисмоний тарбия ва спорт вазирлиги ўзбекистон давлат жисмоний тарбия ва спорт университети артиқов зохиджон собирович

Олинган натижаларнинг ишончлилиги, информативлиги ва объективлиги
Мазкур диссертациянинг мавзуси, мақсади ва вазифаларига мувофиқ юқори малакали белбоғли курашчилар устида ўтказилган барча тадқиқотларда қўлланилган услуб ва амалий тестлар шу спорт турида ҳал қилувчи аҳамиятга лойиқ жисмоний тайёргарлик компонентлари (статик ва динамик ҳаракат – кучланиш, айланма ҳаракатлар таъсирида мувозанат сақлаш, тезкорлик-куч, эгилувчанлик)нинг координацион мазмунига турдош бўлганлиги сабабли объектив хусусиятга эга. Шунга қарамасдан, уларнинг ишончлилигини аниқлаш мақсадида “тест-ретест” синови ва
формуласидан фойдаланилди.
Бунда: r_x/z– ишончлилик коэффициенти
х₁ – тест натижаси;
z₁ – ретест натижаси;
– тест натижаларининг ўртача арифметик кўрсаткичи;
– такрорий тест (ретест) натижаларининг ўртача арифметик кўрсаткичи;
Қўлланилган тестларнинг ишончлилик коэффициенти (ихтисослаштирилмаган стато- ва хронометрик тестлардан ташқари) 0,8 доирасида қайд этилди.

11. 
    Тадқиқотнинг ташкил қилиниши
    

Педагогик тажриба ўтказишнинг асосий босқичлари.
Iбосқич(2016 йилнинг январ-июнь ойлари). Ушбу босқичда тажрибани ўтказишга тайёргарлик кўриш, вазифалар, тадқиқот босқичлари ва муддатлари, тажриба тадқиқотларида қўлланиладиган услуб-тестлар мазмуни аниқлаштирилди. Тажрибада иштирок этувчи белбоғли курашчи-талабалар номзодларини танлаш, улар билан тажриба мақсади ҳақида суҳбат ўтказиш ишлари олиб борилди. Тажрибага жалб қилинадиган курашчи талабаларнинг анъанавий машғулотлари ўрганилди. Назорат ва тажриба гуруҳларида тажриба муддати давомида ўтказиладиган машғулотлар, статик ва динамик кучланиш ҳаракатлари давомида мувозанат сақлаш функциясини шакллантириш бўйича ишлаб чиқилган ва ТГ да қўлланиладиган машқлар мазмуни ҳамда уларни қўллаш методикаси синовдан ўтказилди.
II босқич(2016 йилнинг июль-август ойлари). Мазкур давр ичида назорат ва тажриба гуруҳларида махсус тест-услублар ёрдамида ўтказиладиган тадқиқотлар, тест-услубларнинг моҳияти ва мазмуни, тажриба гуруҳида қўлланиладиган экспериментал машқларнинг мақсади ва мазмуни ҳақида яна бир бор тушунтириш суҳбатлари ташкил этилди. Тадқиқотларни ўтказиш муддатлари бўйича кўрсатмалар берилди. Тажриба тадқиқотларининг тақвим режаси иштирокчиларга таништирилди.
III босқич(2016 йилнинг сентябр ва 2017 йилнинг июнь ойлари-10 ой) Бу босқичда тажрибада иштирок этувчи икки гуруҳда ҳам дастлабки тадқиқотлар ўтказилди ва режалаштирилган тест-услублар қабул қилинди. Назорат гуруҳида ўтказилган анъанавий машғулотлар мазмуни ўрганилди. Тажриба гуруҳида олиб бориладиган машғулотлар давомида ишлаб чиқилган экспериментал мазмунли машқлар мунтазам қўлланилиб борилди.
Тажриба муддати тугаши билан икки гуруҳда ҳам белгиланган тест-услублар асосида якуний тадқиқотлар ўтказилди. Тажриба натижалари умумлаштирилди ва табақалаштирилган ҳолда статистик услублар асосида қиёсий таҳлил қилинди.