Жисмоний тарбия ва спорт вазирлиги ўзбекистон давлат жисмоний тарбия ва спорт университети артиқов зохиджон собирович

2.9.Педагогик тажриба
Педагогик тажриба 2016 йилнинг сентябрь ойидан 2017 йилнинг июнь ойигача (10 ой) ўтказилган бўлиб, унда тажриба объекти сифатида ҳар бири 12 нафар юқори малакали курашчилардан иборат назорат ва тажриба гуруҳлари иштирок этдилар.
Назорат гуруҳида машғулотлар амалдаги ишчи ўқув дастурига асосан анъанавий мазмунда ҳафтасига 4 марта 135 дақ.дан ўтказилди.
Тажриба гуруҳида ҳафтасига 4 марта 135 дақ.дан ўтказилган машғулотларда биз томонимиздан ишлаб чиқилган ва статик-динамик кучланиш ҳаракатлари давомида мувозанат сақлаш функциясини шакллантиришга қаратилган қуйидаги инновацион мазмунли машқлар мажмуаси қўшимча равишда қўлланилди (30-40 дақ):

1. 
   Гавдани 90 олдинга эгиб, ўнг томонга 10 марта, чап томонга 10 марта танани айлантириш.
   
2. 
   Гавда-бошни орқага максимал эгиб, ўнг томонга 10 марта, чап томонга 10 марта танани айлантириш.
   
3. 
   Чап оёқда тик туриб, ўнг оёқни кўтарган ҳолатда турли ҳаракатларни (букиш-ёзиш, олдинга-орқага ва ён томонларга ҳаракатлантириш) бажариш вақтида мувозанат сақлаш – 30 сек.
   
4. 
   Шу машқни ўнг оёқда туриб бажариш.
   
5. 
   Чап оёқда “қалдирғоч” ҳолатида туриб мувозанат сақлаш – 15 сек.дан 3 марта.
   
6. 
   Шу машқни ўнг оёқда туриб бажариш.
   
7. 
   Ўтирган ҳолатда бошни катта амплитудада ва максимал тезликда ўнг томонга 20 марта, чап томонга 20 марта айлантириш.
   
8. 
   Шу машқниоёқларни жипслаштириб тик турган ҳолатда, , кўзларни юмиб бажариш.
   
9. 
   Тик турган ҳолатда манекенни кўкракка қўйиб ушлаган ҳолатда орқага эгилиб, ўнг ва чап томонларга 20 мартадан танани айлантириш.
   
10. 
    Енгил атлетикачилар босқонини ўнг ва чап томонларга 10 мартадан икки уринишда айлантириш.
    
11. 
    Жуфтликда қўл ушлашиб ўнг томонга 10 марта, чап томонга 10 марта икки уринишда айланиш.
    
12. 
    Ўз вазнидаги шерикнинг белбоғини ушлабкўтариб орқага эгилган ҳолатда ўнг томонга 10 марта, чап томонга 10 марта икки уринишда айланиш.
    
13. 
    Ўз вазнига тенг шерикнинг белбоғини ушлаб-кўтариб ўнг ва чап томонларга ўтказиш.
    
14. 
    1, 2, 8, 9, 12 ва 13-машқлар 12 нафар курашчи икки жамоага бўлинган ҳолатда ким кўп айланиш (мувозанатни йўқотгунча) бўйича мусобақалашиш.
    

Ҳар бир мусобақа машқидан сўнг физиологик функциялар фаолиятини тикловчи қуйидаги қисқа муддатли (50-60 сек) релаксацион машқлар қўлланилди.