Жисмоний тарбия ва спорт вазирлиги ўзбекистон давлат жисмоний тарбия ва спорт университети артиқов зохиджон собирович

Физиологик функциялар фаолиятини тикловчи релаксацион
машқлар мажмуаси
1.Чалқанча ётган ҳолатда чуқур нафас олиб, чуқур нафас чиқариш (7-8 марта).
2.Ўтирган ҳолатда гавда-бошни эгиб, тизза томон максимал эгиш ва шу ҳолатда чуқур нафас олиб, нафас чиқариш (5-6 марта).
3.“Кўприк” ҳолатида чуқур нафас олиб, чуқур нафас чиқариш (5-6 марта).
4.Ўтирган ҳолатда қўлларни бош ортида ушлаб чап ва ўнг томонларга максимал бурилган ҳолатларда 5-6 мартадан чуқур нафас олиб, нафас чиқариш.
5. Чалқанча ётган ҳолатда оёқларни кўтариб, “велосипед” машқини бажариш (15-20 сек.).
6. Чалқанча ётган ҳолатда оёқларни кўтариб, тўғри ва кўндаланг йўналишда “қайчи” машқини бажариш (15-20 сек.дан).
7. Чалқанча ётган ҳолатда оёқларни кўтариб эркин силкитиш (10-15 сек).
8. 1-машқни такрорлаш.
Юқори малакали белбоғли курашчиларнинг йиллик тайёргарлик жараёни, тайёргарлик даврлари ва босқичларида тайёргарлик турлари бўйича қўлланиладиган машқлар нисбати ва назорат тестлари
Жорий тадқиқотлар ва педагогик тажрибани ўтказишда юқори малакали белбоғли курашчиларнинг йиллик тайёргарлик даврлари ҳамда уларнинг мувофиқ босқичларида жисмоний ва техник-тактик тайёргарлик машқларининг тақсимланиш нисбати ўрганилди. Жумладан, тайёргарлик дастурини ўрганиш ва машғулотлар йўналишларини кузатиш давомида маълум бўлдики, тайёргарлик даврининг умумийтайёргарлик (умумжисмоний-функционал тайёргарлик) ҳамда махсус тайёргарлик босқичларида умумий ва махсус жисмоний сифатларнинг устуворлик улуши асосида ривожлантириш машқларини қўллашга урғу берилиши аниқланди (2.3-жадвал). Умумжисмоний-функционал ёки фундаментал босқичда умумий (аэроб) чидамкорликни шакллантирувчи (вақтсиз пресслар, сузиш, тоғ туризми ва ҳ.к.), тезкорлик - куч машқларига кўпроқ эътибор қаратилган.
2.3-жадвал.
Юқори малакали белбоғли курашчиларнинг йиллик тайёргарлик жараёнида умумжисмоний ва махсус жисмоний сифатларни ривожлантирувчи машқлар нисбати