Жиноят ҳуқуқи ва криминология” кафедраси томонидан 2019/2020 йил кузги семестрда ўтиладиган “Жиноят ҳуқуқи” модулидан

Вазиятга ҳуқуқий баҳо беринг, жиноят таркибини таҳлил қилинг.	М.Курбанов
ЯН
	Адилова 2015 йил май ойидан 2016 йил 26 февраль кунига қадар “Ruhsora kommunalchi” хусусий уй-жой мулкдорларининг ширкатида ижрочи директор лавозимида ишлаган даврида ширкатнинг 2012-2015 йиллар давридаги катъий ҳисобидаги молия-хўжалик фаолиятига доир ҳужжатларни ғаразгўйлик ва бошқа паст ниятларда нобуд қилган. Дастлабки тергов органи томонидан Адилованинг корхоналар, муассасалар, ташкилотларнинг қатъий ҳисобидаги ҳужжатларни нобуд қилишда ифодаланган жиноий ҳаракати Ўзбекистон Республикаси ЖКнинг 227-моддаси 1-қисми билан тўғри квалификация қилинган. Суд судланувчи Адиловага нисбатан жазо тайинлашда унинг шахсини, ёшини, айбига қисман иқрорлигини, қилмишидан чин кўнгилдан пушаймонлигини, оилавий аҳволини, муқаддам судланмаганлигини, жиноятни ғаразли ниятларда содир этганлигини ҳамда жазони енгиллаштирувчи ва оғирлаштирувчи барча ҳолатларни инобатга олиб, у айбли деб топилаётган модда санкцияси доирасида жарима жазоси тайинлашни лозим деб топди. Юқоридагиларга асосан суд Адиловани ЖКнинг 227-моддаси 1-қисми билан айбли деб топган. Адиловага ЖКнинг 227-моддаси 1-қисми билан энг кам ойлик иш ҳақининг 10 (ўн) баравари миқдорида 1.497.750 (бир миллион тўрт юз тўқсон етти минг етти юз эллик) сўм жарима жазоси тайинланган. Вазиятга ҳуқуқий баҳо беринг, жиноят таркибини таҳлил қилинг.	М.Курбанов	ЯН
	Ахмедов Бахтиёр Еркиновичга нисбатан 2016 йил 2 июнь куни жиноят ишлари бўйича Тошкент шаҳар Олмазор туман суди томонидан бир йил муддатга маъмурий назорат ўрнатилган бўлиб, унга кўра: спиртли ичимлик ичиш мақсадида кафе-бар, ресторан, чойхона ва ошхоналарга кириш ман этилиши; Тошкент шаҳар ҳудудидан Олмазор тумани ИИБ раҳбариятининг рухсатисиз чиқиб кетмаслик; соат 20:00 дан 06:00 га қадар яшаш жойидан чиқиб кетмаслик; ҳар ойнинг 5, 15, 25-кунлари ИИБга келиб рўйхатдан ўтиш белгиланган. Бироқ у ўзига тегишли хулоса чиқариб олмасдан, маъмурий назорат қоидаларини бузганлиги учун жиноят ишлари бўйича Тошкент шаҳар Олмазор туман судининг 2016 йил 13 августдаги қарорига кўра Ўзбекистон Республикаси МЖтКнинг 206-моддаси 1-қисми билан 32.560 сўм жарима жазосига тортилган. Шундан сўнг ҳам у маъмурий назорат қоидаларини бузиб, 2017 йил 18 май куни соат 20:30 да яшаш жойида бўлмаган. Судланувчи Б.Ахмедов айбига тўлиқ иқрорлик билдириб берган кўрсатувидан ташқари унинг айби дастлабки тушунтириш хатлари, профилактика инспекторининг билдиргиси, сўроқ қилиш баённомалари ҳамда ишда тўпланган бошқа далиллар йиғиндиси билан тўлиқ ўз исботини топди. Дастлабки тергов органи томонидан Б.Ахмедовнинг маъмурий назорат қоидаларини бузишда ифодаланган жиноий ҳаракати ЖКнинг 226-моддаси 1-қисми билан тўғри квалификация қилинган. Суд судланувчи Б.Ахмедовга нисбатан жазо тайинлашда унинг ёшини, айбига тўлиқ иқрорлигини, қилмишидан чин кўнгилдан пушаймонлигини, оилавий аҳволини, илгари ҳам қасддан жиноят содир этгани учун судланган бўлиб, қасддан янги жиноят содир этганлигини, содир этилган жиноятнинг келиб чиқиш сабабларини ҳамда жазони енгиллаштирувчи ва оғирлаштирувчи барча ҳолатларни инобатга олиб, у айбли деб топилаётган модда санкцияси доирасида жарима жазоси тайинлашни лозим деб топди. Вазиятга ҳуқуқий баҳо беринг, жиноят таркибини таҳлил қилинг.	М.Курбанов	ЯН
Умумий тайёрланган казуслар сони: 50 та

Курс декани Б.Топилдиев

Кафедра мудири Б.Хидоятов