Жиноят ҳуқуқи ва криминология” кафедраси томонидан 2019/2020 йил кузги семестрда ўтиладиган “Жиноят ҳуқуқи” модулидан

“Жиноят ҳуқуқи ва криминология” кафедраси томонидан
2019/2020 йил кузги семестрда ўтиладиган “Жиноят ҳуқуқи” модулидан
тайёрланган якуний назорат учун
КАЗУСЛАР


Якуний назорат учун казуслар

1.	Модуль номи: Жиноят ҳуқуқи
№	ЯН учун КАЗУС	ЯН учун казус тайёрлаган профессор-ўқитувчининг Ф.И.Ш	ЯН
	Умурбеков 2017 йил 1 январь куни тахминан соат 09:00 ларда Қорасарой кўчасида жойлашган “Ғойиб ота” қабристони олдида фуқаро Исаевнинг бошқарувида бўлган “Яшнобод” МЧЖ 1-автокорхонасига тегишли “Кобалт” русумли автомашинасига йўловчи сифатида ўтириб, у билан Тошкент вилояти, Ғазалкент туманига бориб келишга келишади. Тошкент вилояти, Ғазалкент туманига бориб келгандан сўнг Исаев Умурбековдан йўл кира ҳаққини беришини сўрайди. Умурбеков эса йўлкира ҳақини бермаслик мақсадида Исаевга ҳужум қилиб, соғлиқ учун хавфли бўлган зўрлик ишлатиб, қўли билан уриб тан жароҳати етказиб воқеа жойидан яширинади. Суд-тиббиёт экспертизасининг хулосасига кўра, Исаев бош мия ёпиқ жароҳати, бош мия чайқалиши, чап қоши тикилган яраси, чап пастки қовоғи қонталаши, бурун суяги силжиб синиши каби ўртача оғир даражадаги тан жароҳати олган. Вазиятга ҳуқуқий баҳо беринг, жиноят таркибини таҳлил қилинг.	М.Курбанов	ЯН
	Козимов 2017 йил 20 февраль куни тахминан соат 15:40 дан 15:55 гача бўлган вақт оралиғида 2009 йил 9 май куни туғилган Жакбаровани ўн тўрт ёшга тўлмаганлигини била туриб, велосипедга ўтказиб, номусига тегиш мақсадида қўшни маҳалладаги уйнинг 9-қавати чордоқ қисмига олиб чиқиб, уни деворга тираб, эгнидаги кийимини ечмоқчи бўлганида, Жакбарова баланд овозда “менинг дадам милиция” деб айтганида, у қўрқиб кетиб Жакбаровани пастга олиб тушади ва воқеа жойидан яширинади. Козимовнинг айтишича у 2017 йил 20 февраль куни ўзининг велосипедида кўча бўйлаб кетаётганда нотаниш икки нафар ёш қизларни кўрганлигини, қизлардан бири унга “велосипедда учиринг” деганлигини, кейин ўша қизни велосипедда учирганлигини, кейин у қизга каптар кўрсатаман деб кўп қаватли уйга олиб кирганлигини ва тўққизинчи қаватга лифтда бирга чиққанлигини, сўнг у қизга каптар кўрсатмоқчи бўлиб, қизни бел қисмидан кийимидан ушлаб кўтариб деразадан қарашганлигини, лекин каптарлар йўқлигини кўриб қайтиб тушишганлигини, қиз билан жинсий алоқа қилиш мақсади бўлмаганлигини айтган. Комплекс амбулатор суд-психологик ва психиатрия экспертизасининг хулосасига кўра, вояга етмаган Жакбарова ўзининг ёшига нисбатан ақли расолиги ҳамда ташқи муҳитда унга нисбатан бўлаётган воқеаларни тўғри идрок эта олиши ва жиноят содир этилган пайтда айбланувчи Козимов нотўғри хатти-ҳаракатларни содир этаётганини тушунганлиги, шу сабабли унинг ҳаракатларига қарши юқоридаги сўзларни айтганлиги аниқланган. Амбулатор суд-психиатрия экспертизасининг хулосасига кўра, Козимовда руҳий бузилишларнинг аломатлари аниқланмаганлиги, шунингдек у тергов ва суд жараёнларида иштирок этиб, тўғри кўрсатмаларни бериши мумкинлиги ва жиноят содир этилган вақтда ўзининг хатти-ҳаракатларига жавоб бера оладиган ҳолатда бўлганлиги аниқлaнган. Вазиятга ҳуқуқий баҳо беринг, ихтиёрий қайтиш жиноят таркибини таҳлил қилинг.	М.Курбанов	ЯН
	С.Атаев 2017 йил 5 июль куни тахминан соат 15:30 ларда Тинчлик кўчаси атрофида щзи билан дщстона алоыада бщлган фуқаро Рихсиевани кўриб, унинг ортидан бориб сочидан тортади ва унга “Йигитлар билан нега гаплашиб юрибсан” деб, Рихсиеванинг телефон аппаратини текшириб кўрмоқчи бўлиб олган. Телефондаги SMS ларни текширган вақтида бегона йигитларнинг рақамларини кўриб, Рихсиевани юзига тарсаки уриб, унга “телефон аппаратингни ўзимда олиб қоламан, ҳеч ким билан гаплашмайсан энди” деб телефон аппаратини ўзи билан олиб кетиб қолган. Шундан сўнг Атаев ўша куни Дилмурод исмли ўртоғи билан бирга кафега кириб овқатланиб, сўнг овқатланиш учун тўлашга пули етмай қолганлиги сабабли Рихсиеванинг телефонини “Малика” савдо мажмуасига олиб бориб нотаниш болага 2.500.000 сўмга сотиб юборган.