Jalilova s. X. Taraqqiyot psixologiyasi va differentsial psixologiya

Rivojlanish darajasi:
10 bal – juda yuqori.
8-9 bal – yuqori.
4-7 bal – o‘rta.
2-3 bal – past.
0-1 bal – juda past.
«Grafik diktant» metodikasi
Ushbu metodika bolada ixtiyoriylikni rivojlanish diagnostikasi uchun xizmat kiladi (eshitish, tushunish malakasi va kattalar ko‘rsatmasini aniq bajarish, qoida asosida ishlash, namunani qo‘llash). Individual xamda guruxiy shaklda o‘tkazish mumkin. Katak daftar varag‘idan foydalaniladi.
Topshiriqning bajarilishi.
Ko‘rsatma: «Hozir siz bilan turli naqshlar chizishni o‘rganamiz. CHiroyli va tartibli chizishga harakat qiling. Buning uchun meni diqqat bilan eshiting - men qaysi tomonga va necha kattakka chiziq chizishingizni aytib turaman. Faqat men aytgan chiziqni chizing. Katakka chiziq chizib bo‘lgach, endi qaysi yo‘nalishda chizishingizni aytishimni poylab turing. Har bir yangi chiziqni oldingisi to‘xtagan joydan davom ettiring. Bunda qalamni qog‘ozdan uzmang. O‘ng qo‘l qaysi, buni hamma biladimi? O‘ng qo‘l qalamni ushlab turgan qo‘lingiz (xonadagi aniq orientir ko‘rsatiladi, ya’ni o‘ng tomondagi eshik yoki deraza ko‘rsatiladi). Demak, o‘ng tomonga chiziq chizing deganimda, 1 katak eshik tomonga qarata chizasiz (katak chizilgan doskaga chizib ko‘rsatiladi.) Endi qo‘limni chiziqdan olmay, 2 katak tepaga, so‘ngra 3 katak o‘ng tomonga chizaman (doskada chiziladi).»
Shundan so‘ng naqsh chiziladi: “1- naqshni chizishni boshlaymiz. Eng yuqori nuqtaga qalamingizni qo‘ying. Diqqat! Quyidagicha chizamiz: 1 katak pastga, qalamni qog‘ozdan uzmang. Endi 1 katak o‘ngga, 1 katak tepaga, 1 katak o‘nga, 1 katak pastga, 1 katak o‘ngga, 1 katak yuqoriga, 1 katak o‘ngga, 1 katak pastga. Endi xuddi shunaqa naqshni chizishni davom ettiring.”