Jalilova s. X. Taraqqiyot psixologiyasi va differentsial psixologiya

Natijalarni qayta ishlash
Eksperimentdan olingan ma’lumotlarni qayta ishlash xatolar uchun qo‘yiladigan ballarni hisoblash orqali amalga oshiriladi.
Xatolar sifatida quyidagilar hisoblanishi mumkin:
a) rasmda biror-bir detallar tushib qoldirilishi (panjara, tutun, mo‘ri, tom, deraza, uyning asosi) — 4 ball;
b) rasmdagi alohida detallar hajmini, rasm hajmi to‘g‘ri chizilgan holda, 2 marotabaga kattalashtirish (ballar har bir detal uchun qo‘yiladi) — 3 ball;
v) elementning noto‘g‘ri tasvirlanishi (tutun zanjirlari, chap va o‘ng tarafdagi panjara, tomdagi shtrix chiziqlar, oyna, mo‘ri) — 2 ball;
element yaxlit holda baholanadi. Agar uning 1 qismi to‘g‘ri chizilsa 1ball qo‘yiladi. Rasm detalidagi elementlar miqdori hisoblanmaydi.
g) detallarning fazoda noto‘g‘ri joylashishi (panjara uyni asosi bilan bir tekisda bo‘lmasligi, mo‘ri, oynani almashtirib qo‘yilishi va h.k.) - 1 ball;
d) to‘g‘ri chiziqlarni berilganiga nisbatan 30^oga qiyshaytirib yuborilishi (vertikal va gorizontal chiziqlar kesishishi, panjarani ag‘anatib tasvirlanishi) — 1 ball;
e) birlashishi zarur bo‘lgan chiziqlar uzilishlari bilan chizilsa (har bir uzilish uchun) — 1 ball. Agar tomdagi shtrix chiziqlar tom chiziqlari bilan birlashtirilmasa, barcha shtrixovkalar uchun umuman 1 ball qo‘yiladi;
j) agar bir chiziq ikkinchisi ustiga chiqib ketsa (har biri uchun) — 1ball. Tom shtrixovkasi yaxlit hisoblanadi;
z) rasmni xatosiz ko‘chirilishi — 0, yaxshi rasm uchun 0 qo‘yiladi. SHunday qilib, rasm qanchalik yomon chizilsa, tekshiriluvchi to‘plagan ball shunchalik yuqori bo‘ladi.
0 ball — ihtiyoriy diqqatning yaxshi rivojlanganligi;
1-2 ball — ihtiyoriy diqqatning o‘rtacha rivojlanganligi;
4 balldan yuqori — ihtiyoriy diqqatning kuchsiz rivojlanganligi.
Bunda yosh hisobga olinishi zarur. 5 yoshli bolalar deyarli 0 olmaydilar. Agar 10 yoshli bola 1 ball olsa, bu rivojlanish yaxshi emasligini bildiradi.