Ызбекистон республикаси олий ва ырта махсус

Кириш
Ушбу дастур одам ва ҳайвонларнинг тизим, аъзо, тўқима, ҳужайра ва уларнинг органоидларда ларини тузилиши ва уларда кечаётган физиологик-биокимёвий жараёнларни турли физиологик халатларда қандай ўзгаришларга учрашини ўргатади. Бу курсни ўқитишда, биринчи новбатда, табиий шароитларда ҳайвонот дунёси ривожланишининг турли даражаларига хос бўлган умумий функционал қонуниятларга, ҳамда алоҳида физиологик функцияларга ва улар нималар билан боғлиқлигига, организмнинг барча тизимларини умумий фаолиятида уларнинг тутган ўрни қандай эканлигини тушуниш билан бирга, алоҳида функцияларни, турли хил турдаги ҳайвонларда, уларнинг яшаш тарзи ва муҳити, ҳамда бошқа омилларга боғлиқ равишда шаклланиши қай тарзда амалга ошишига ҳам эътибор бериши керак.
Ушбу фаннинг мақсади ва вазифалари
Бу курсини ўқитишдан мақсад инсон ва ҳайвон организмнинг хаёт кечириш фаолияти, организмнинг бир бутунлиги, унинг ташқи муҳит билан узвий боғлиқлиги, организм, аъзо-тизимлари физиологик фаолияти ва уларнинг бошқарилишида асаб ва гуморал тизимлар роли, бошқарилиш механизмлари, ташқи муҳитга мослашиш механизмлари ҳақидаги билимни амалда қўллашга эришиш кўзда тутилади. Организм фаолиятини хар томонлама чуқурроқ тушуниш учун аъзо ва тўқима, ҳужайра ва ҳужайравий элементлари тузилиши ва фаолияти ҳақида билим беришдан иборат.
Фанни ўқитиш турлари – дастурда кўрсатилган мавзулар маъруза ва лаборатория машғулотлари шаклида олиб борилади, шунингдек, фаннинг долзарб масалалари талабаларга мустақил иш сифатида узлаштириш учун олиб берилади. Фиологиянинг долзарб муаммоларига бағишланган йўналишлари бўйича талабаларнинг хохишига қараб курс ишлари берилади. Одам ва ҳайвонлар физиологиясини ўқитишда компьютерда ўрганиладиган дастурлар аудио-видео техникасидан фойдаланилади.
Фан бўйича талабаларнинг билимига, кўникма ва малакасига қўйиладиган талаблар
Талабалар қўзғалувчан тўқималар ва мушак тизимининг умумий физио-логияси, асаб тизимининг умумий ва хусусий физиологияси, сенсор тизимлар ва олий асаб фаолияти физиологияси, эндокрин тизим, қон, лимфа ва тўқима суюқлиги, қон айланиши, нафас олиш, айирув тизими, овқат ҳазм қилиш, модда ва энергия алмашинуви физиологиялари, ҳарорат бошқарилуви ҳақида билишлари лозим.
Талабалар томонидан курсни чуқур ўрганиш ўқув дастуридаги назарий ва амалий билимларни умумлаштира билишдан иборат.