Iv. Glossariy

ARID – Qurg‘oqchil
AUTEKOLOGIYA – Ayrim individ (tur) ning atrof – muhit sharoiti bilan o‘zaro munosabatini o‘rganuvchi ekologiyaning bo‘limi.
ATSIDOFIL BAKTERIYA – Nordon muhitda yashaydigan bakteriyalar.
ATSIDOFIL O‘SIMLIKLAR – Nordon tuproqlarda yaxshi o‘sadigan o‘simliklar.
ATROF – MUHIT KO’RSATKICHLARI ga quyidagilar kiradi: toza birlamchi mahsulotlar iste’moli va ularning o’zgarishi; toza birlamchi mahsulotlar iste’molidagi yo’qotishlar; xo’jalik faoliyati ta’sirida buzilmagan maydonlar va ularning mamlakat hududidagi hissasi, o’sishi; tabiiy resurslar iste’moli: Yer, o’rmon, o’simlik va hayvonot resurslari, mineral xomashyo, suv – tendensiyalari; tabiiy resurslar zahiralarining kamayishi sur’atlarining o’zgarishi; tabiiy muhitning ifloslanishi: havo, suv, tuproq, o’simlik va hayvonot olami; ifloslantiruvchi moddalar chiqarmalari va ularning tabiiy muhitda to’planishi: gazsimon, suyuq, qattiq - tendensiyalari; atrof – muhitga o’ta xavfli va radioaktiv chiqindilarning chiqarilishi va ularning to’planishi – tendensiyalari; biologik xilma – xillik – o’zgarish sur’atlari; alohida muhofaza qilinadigan hududlar maydoni – o’sishi; ozon qatlami – o’zgarishi; texnogen va tabiiy avariyalar, soni, zarari – tendentsiyalari; tabiat muhofazasi tadbirlari harajatlari.