2- mavzu: Oliy ta’lim tizimini rivojlantirish ning zamonaviy tendensiyalari

_{2- mavzu:} Oliy ta’lim tizimini rivojlantirish ning zamonaviy tendensiyalari

2.1.OTMda boshqarish faoliyatining ilmiy asoslanganligi.
2.2.Boshqaruv strategiyasi moxiyati.
2.3.Ta’lim soxasida boshqaruv strategiyasi va rivojlantirishning zamonaviy tendensiyalari.
2.4.Oliy ta’lim xizmatlari bozorining rivojlanish yo‘nalishlari va o‘sishi sur’atlarining zamonaviy bosqichlari.


Tayanch iboralar: Boshqaruv modeli, boshqaruv strategiyasi, boshqaruv asoslari, strategik vazifalar, taktika, strategiya, ilmiy asoslanganlik, maqsad, motivatsiya, moliyalashtirish,ta’lim xizmatlari, bandlik, fikr, munosabat,
2.1. OTMda boshqarish faoliyatining ilmiy asoslanganligi.
Mustaqillikka erishgan davlatimizning iqtisodiy hayoti, tezkor o‘zgarayotgan bugingi kunda insonlarda yangicha fikrlash yuzaga kelmoqda. Har birimiz bozor iqtisodiyoti qonunlarini nazariy va amaliy jihatlarini egallashimiz zarur. Xalqaro tajribalar shuni ko‘rsatmoqdaki, iqtisodiy bilimlarning muhim tarkibiy qismi boshqaruvning ilmiy asoslaridir. CHunki, boshqaruv inson miyasiga taqqoslanadi, bunda shaxsning yaratuvchilik imkoniyatlari mujassamlangan, undan uning ijodiy qobiliyatni namoyon etishligiga ko‘rsatma beriladi.
Boshqaruv faoliyatining mohiyati to‘g‘risida g‘oyalar, tushunchalar, mulohazalar, uni madaniy tarzda amalga oshirish tamoyillari, shakllari va usullari haqida tizim mavjuddir. Insoniyat tomonidan fan-texnika, iqtisodiyot va ijtimoiy muvaffaqiyatlar tobora oshirilib borishiga ko‘ra boshqaruv faoliyatining ilmga bo‘lgan talabi ham to‘xtovsiz o‘sib boradi. Bir tomondan, fan boshqaruv faoliyatini konseptual boyitishdan manfaatdor bo‘lsa, ikkinchi tomondan amaliyotchi boshqaruvchilar o‘z faoliyatini ilmiy idrok etish, uni nazariy asoslashga intiladilar.
Bunday ilmiy yondashish ehtiyojini quyidagi holatlar bilan izohlash mumkin.
Birinchidan, boshqaruvning nodir xususiyati: biror yo‘qdan muayyan nimanidir qilish, tarqoq usullardan tizim tuzish, bunda kelishuv va tartibga solishi unga xos bo‘lgan xususiyat hisoblanadi.