Iv. Glossariy

BIOLOGIK «XIZMATLAR» - inson salomatligiga tabiat sokinligi, toza havo, jismoniy toliqishning ketishidan keladigan foyda.
BIOLOGIK RESURSLAR - jonli tabiat resurslari bo’lib, ular o’simliklar, hayvonlar va mikroorganizmlardan tarkib topgan va barcha muhitlarda – Yerda, suvda, havoda tarqalgan. Biologik resurslar – kompleks resurslardir: ularga produtsentlar, konsumentlar, redutsentlar kiradi.
BIOM – Biror geografik joy (masalan, tundra, cho‘l va hokazo) dagi hayvon va o‘simlik turlarining majmui.
BIOMASSA – Jonli massa, o‘zi yashab turgan maydon yoki hajm birligiga to‘g‘ri keladigan biron organizm (populyatsiya, tur, turlar guruhi, uyushmasi) massasi (og‘irligi) yoki tirik modda energiyasi miqdori (kg/ga, kg/m³). Bular ho‘l yoki quruq moddalar holida ifodalanadi. O‘simliklar biomassasi fitomassa, hayvonlar biomassasi zoomassa deyiladi.
BIOMORFOZ – Bioshakllanish, organizmdagi atrof – muhitga moslashish bilan bog‘liq bo‘lgan o‘zgarishlar.
BIONAVIGATSIYA – Hayvonlarning mavsumiy migratsiya davrida harakat yo‘nalishini yashash joylarini (qishlash yoki bolalash uchun mo‘ljallab) topish xususiyatlari.
BIONIKA – Kibernetikaning tirik organizmlar tuzilishi va hayot faoliyatini o‘rganish asosida aniqlangan qonuniyatlar hamda xususiyatlarni texnikaga tadbiq etish bilan shug‘ullanuvchi bo‘limi.
BIONT – Evolyusiya davomida ma’lum muhit (biotop) da yashashga moslashgan organizm. Ular aerobiont, gidrobiont, geobiont va boshqalarga bo‘linadi.
BIORITM – Biologik jarayonlar va hodisalarning jadalligi hamda harakteri davriy ravishda qaytarilib turadigan o‘zgarishlari. Masalan, kecha va kunduz, yil fasllari o‘zgarishi bilan bog‘lik bo‘lgan davriy o‘zgarishlar.