Iv. Glossariy

BIOGEOTSENOLOGIYA – Biogeosenozlarning shakllanish qonuniyatlari, funksiyasi va rivojlanishini o‘rganuvchi fan.
BIOINDIKATORLAR – Biron - bir tabiiy jarayon yoki atrof – muhit sharoitining muhim holatini ko‘rsatish uchun xizmat qiluvchi organizmlar. Bular yordamida foydali qazilmalar, atrof – muhitni ifloslanishi yoki boshqalar to‘g‘risida ma’lumot olish mumkin.
BIOLOGIK MAHSULDORLIK – U yoki bu ekosistema tarkibiga kiruvchi hayvon, o‘simlik va mikroorganizmlar biomassasining ma’lum darajada qayta tiklanib turishi. Odatda ma’lum vaqt mobaynida ma’lum maydon yoki hajmi (suv, tuproq) birligida etishgan mahsulot massasi bilan ifodalanadi. Tor ma’noda odam foydalanadigan yovvoyi hayvon va o‘simliklarning tiklanib turishi.
BIOLOGIK TIZIM – Funksiya jihatidan o‘zaro bog‘liq va yagona biologik obyektni hosil qiluvchi elementlar majmui. Bir biologik obyekt (hujayra, to‘qima, organ, organlar sistemasi, organizm, populyasiya va hokazo) o‘zi alohida yagona biologik sistemani va ayni paytda sistema qismi (elementi) ni tashkil etishi mumkin.
BIOLOGIK RITMLAR – Organizmda ro‘y beradigan biologik hodisalar va jarayonlar krikteri hamda ikkinchi pishish davriy (sutkalik, mavsumiy, yillik) o‘zgarishi; bu atrof – muhit o‘zgarishlariga moslashish imkonini beradi.
BIOLOGIK SOATLAR – Organizmning ko‘pgina holatlarini ma’lum tartibda va ma’lum vaqt oralig‘ida o‘lchovli ravishda bir maromda takrorlanib turish hodisasi. Masalan, dukkakli o‘simliklar bargining kun davomida turli tomonlarga qarab turishi.
BIOLOGIK PROGRESS – Biologik rivojlanish tur, kenja tur va boshqa taksonomik guruhlarning ko‘payishi, yashash arealining kengayishi, individlar miqdorining ortishi bilan bog‘liq evolyusion rivojlanish jarayoni. Bu yashash uchun kurash natijasida sodir bo‘ladi.
BIOLOGIK REGRESS – Turlarning miqdor jihatidan kamayishi, istiqomat hududlarining torayishiga va bora – bora shu sistematik guruhning so‘nib halok bo‘lib ketishiga olib keladigan evolyutsion jarayon.