Ishning maqsadi: Azotning olinishi, uning birikmalarining olinishi va xossalarini o‘rganish. Kerakli reaktivlar

Azot (II) oksid va azot (IV ) oksidining olinishi hamda ularning xossalarini tekshirish. Kichkina kristallizator yoki chinni kosachaga suv quying. Probirkani suv bilan to‘ldirib, og'zini barmog'ingiz bilan berkitib, kristallizatordagi suvga to‘nkaring. Gaz o‘tkazgich nay o‘rnatilgan mikrokolbachaga bir necha bo‘lak mis qirindisidan soling va 1-2 ml suyultirilgan nitrat kislota (p=1,12 g/sm³) quying. Kolbachani shtativga tik holda mahkamlang, agar reaksiya yetarlicha kuchli bo‘lmasa, kuchsiz gaz alangasida qizdiring. Gaz chiqaruvchi nay uchini kristallizatordagi to‘nkarilgan probirka og'ziga kiygizing. Ajralib chiqayotgan gaz bilan probirkani (3/4 hajmigacha) to‘ldiring (probirkada suv qolishi kerak), uning og'zini suv ostida barmog'ingiz bilan berkitib, kristallizatordan chiqaring va tubini pastga qilib to‘nkaring. Probirka og'zini 1-2 sekund ochib, rangsiz gazning qo‘ng'ir rangga aylanishini kuzating (probirkani oq qog'oz fonida tuting). Probirkani barmog'ingiz bilan berkitib, hosil bo‘lgan qo‘ng'ir gazning suvga to‘liq yutilishi uchun yaxshilab chayqating. Probirka og'zini ochib, ikkinchi marta gazning qo‘ng'ir rangga kirishini kuzating va yana chayqatib suvda eriting. Olingan eritmaga 1-2 tomchi lakmusning neytral eritmasidan tomizing. Rangning o‘zgarishini belgilang va eritmadagi reaksiya muhiti to‘g'risida xulosa chiqaring. Kuzatilgan hodisalarni tushuntiring va yozing. Reaksiya tenglamalarini yozing.
a) suyultirilgan nitrat kislota bilan misning o‘zaro t a ’siri;
b) azot (II) oksidining havo kislorodi bilan o‘zaro oksidlanishi;
d) 2 ta kislota hosil bo‘lishi bilan boradigan azot (IV) oksidining suv bilan o‘zaro ta’siri;
e) nitrit kislotaning parchalanishi (uning o‘z-o‘zidan oksidlanib qaytarilishi).



Nazorat savollari

1. 
   Azot oksidlari qanday xossalarga ega va ularning tuzilishi?
   
2. 
   Kisloroddan azot (I) oksidini qanday farq qilish mumkin?
   

Mavzu: Nitrat kislota, uning olinishi va xossalari. Nitratllarning termik parchalanishi.
Ishning maqsadi: Nitrit va nitrat kislota vaularning tuzlari va ularning xossalarini o‘rganish.