Ishning maqsadi: Azotning olinishi, uning birikmalarining olinishi va xossalarini o‘rganish. Kerakli reaktivlar

Mavzu: Azotni olish va uning xossalarini o‘rganish.Ammiak. Uning xossalari. Ammoniy ioniga reaksiya.
Ishning maqsadi: Azotning olinishi, uning birikmalarining olinishi va xossalarini o‘rganish.
Kerakli reaktivlar: ammoniy nitrat, fosfat kislotaning ammoniyli tuzlari, lakmus qog'ozi, konsentrlangan xlorid kislota, so‘ndirilgan ohak, ammoniy sulfat tuzi, kaliy nitrit, ammoniy xlorid va boshqalar
Kerakli jihoz, uskunalar va idishlar:
1. Har xil o‘lchamli probirkalar, mikrokolbacha 2. Pipetkalar har xil o‘lchamda
3. Oddiy stakanlar, kolbalar, gaz o‘tkazgich egik nay o‘rnatilgan tiqin, kristallizator
4. mikroshpatel, shisha tayoqcha, tigel
Ishning borishi:
Azotning olinishi va xossasi. Mikrokolbachaga yoki probirkaga 3-5 tomchidan konsentrlangan ammoniy xlorid va kaliy nitrit eritmalaridan quying. Probirkaning og‘zini gaz o‘tkazgich egik nay o‘rnatilgan tiqin bilan berkiting va shtativga tik qilib mahkamlang.
Boshqa probirka olib, uni suv bilan to‘ldiring va kristallizatordagi suv ichiga to‘nkarib qo‘ying (probirkadagi suv to‘kilmasin va havo kirmasin). Shundan keyin tuzlar eritmasi solingan mikrokolbacha yoki probirkani past gaz alangasida qizdiring. Gaz jadal ajrala boshlaganda gaz chiqaruvchi nay uchini suv bilan to‘ldirilgan probirkaga kiygizing. Agar reaksiya juda kuchli davom etsa, qizdirishni to‘xtating. Probirka ichidagi suv to‘liq siqib chiqarilgandan keyin, uning og'zini suv ostida barmog'ingiz bilan berkitib, kristallizatordan chiqaring. Probirka og'zini yuqoriga qilib, unga yonayotgan cho‘p tushiring. Kuzatilgan hodisani aniqlang. Ammoniy xlorid bilan kaliy nitrit orasidagi reaksiya tenglamasini ikki bosqichda yozing. Bunda reaksiya natijasida hosil bo‘lgan ammoniy nitritning beqarorligiga, uning azot va suvga parchalanishiga e’tibor bering. Keyingi reaksiya oksidlanish-qaytarilish jarayoni ekanligini aniqlang. Oksidlovchi va qaytaruvchilarni ko‘rsating.