Ishning maqsadi: Azotning olinishi, uning birikmalarining olinishi va xossalarini o‘rganish. Kerakli reaktivlar

Suyultirilgan selitrada ko‘mir va oltingugurtning yonishi. Probirkaning 1/8 hajmigacha quruq kaliy nitrat tuzidan soling. Probirkani shtativga tik holda mahkamlang. Tuzni suyuqlanguncha qizdiring, keyin unga bir bo‘lak ko‘mir tashlang. Probirkani qizdirishni davom ettiring. Ko‘mir yonishi bilanoq, probirkaga oltingugurtning kichik bo‘lakchasidan tashlang. Kuzatilgan hodisani yozing. Suyuqlantirilgan selitrada ko‘mir va oltingugurtning yonish reaksiyasi tenglamalarini yozing.
Nazorat savollari

1. 
   Nitritlarning osidlovchilik va qaytaruvchilik xossalari?
   
2. 
   Azotning eng muhim birikmalariga misollar keltiring?
   

Mavzu: Fosforning kislorodda yonishi, fosfor (V) oksidini olish.
Oq fosfor bilan ishlash qoidalari.
Ishning maqsadi: Fosfor va uning allotropik shakl o‘zgarishlari va uning birikmalari xossalarini o‘rganish.
Kerakli reaktivlar: oq fosfor, mis sulfat eritmasi, qizil fosfor va boshqalar
Kerakli jihoz, uskunalar va idishlar:
1. Har xil o‘lchamli probirkalar, shisha tayoqcha 2. Pipetkalar har xil o‘lchamda, paxta
Ishning borishi: Fosforning allotropik shakl ko‘rinishlari.
Quruq probirkaga karbonat angidrid to‘ldiring. Probirkaga qizil fosfordan no‘xat kattaligida soling. Probirka og'zini paxta bilan berkitib, shtativ qisqichiga gorizontal holda mahkamlang. Shundan keyin probirkaning qizil fosfor joylashgan qismini gaz alangasida ohista qizdiring. Probirka devorining sovuq qismida oq fosfor dog'lari hosil bo‘lishini kuzating. Probirka biroz sovigach, uning og'zidagi paxtani qisqich yordamida olib, stakandagi mis sulfat eritmasiga tashlang. Probirka devorida yopishgan oq fosforni shisha tayoqcha yordamida qirib oling va toza havoga chiqaring. Nima sodir bo‘ladi?
Nazorat savollari

1. 
   Fosforning qaysi allotropik modifikatsiyasi kimyoviy jihatdan aktivroq?
   
2. 
   Bu tajribada qanday tasdiqlanadi?
   
3. 
   Fosfor ning yonish reaksiyasi tenglamasini yozing.