Қишлоқ қурилиш банк

Пул агрегатлари нималардан иборат?
Жавоб: муомаладаги нақд пул массаси, талаб қилиб олингунча ва муддатли депозитлар, Марказий банкдаги мажбурий захирадаги пуллар

	Тижорат банклари нақд пул муомаласини ташкил этиш учун қандай ишларни амалга оширишлари талаб этилади? Жавоб: - банк кассаларига кирим қилинган нақд пулларни филиаллар, мижозлар ва кирим манбалари бўйича доимий равишда мониторинг қилиб боради; - нақд пуллар захирасини ташкил этадилар ва зарур бўлганда улардан фойдаланади; - мижозларнинг нақд пулга бўлган талабларини амалга ошириш учун банк кассаларида нақд пулларнинг етарли миқдорда бўлишини таъминлаш чораларини кўради.
	Нақд пуллар қолдиғи лимити қандай хўжалик юритувчи субъектларга ўрнатилади? Жавоб: фақатгина банкларда ўзининг алоҳида депозит ҳисобварағига, шунингдек кассасига эга бўлган хўжалик юритувчи субъектларга уларнинг кассасидаги нақд пуллар қолдиғига лимит ўрнатилади.
	Доимий нақд пул тушумига эга ва тушум пулларини ҳар иш куни охирида банкка топшириши лозим бўлган хўжалик юритувчи субъектларга касса қолдиғи лимитини ўрнатиш тартиби қандай? Жавоб: доимий нақд пул тушумига эга ва тушум пулларини ҳар иш куни охирида банкка топшириши лозим бўлган хўжалик юритувчи субъектлар учун — кейинги иш куни эрталаб ўз фаолиятини белгиланган тартибда давом эттиришлари учун зарур бўлган миқдорда лимит ўрнатилади.
	Хўжалик юритувчи субъектларнинг кассасидаги нақд пул қолдиғига лимит қачон ва қанча муддатга ўрнатилади? Жавоб: хўжалик юритувчи субъектлар кассасидаги нақд пуллар қолдиғига лимит ҳар йили мижознинг банкка тақдим этган 3003-сонли йўриқноманинг 1-иловасидаги ҳисоб-китоб маълумотномасига асосан банклар томонидан хўжалик юритувчи субъектлар билан келишилган ҳолда, нақд пул айланмаси ва уларнинг ишлаш шароитини ҳисобга олган ҳолда 1 йил муддатга ўрнатилади.