Қишлоқ қурилиш банк

Касса ҳужжатларини имзолаш ваколатига эга бўлган ходимлар рўйхати ва уларнинг имзо намуналари билан таъминлаш ким томонидан амалга оширилади?
Жавоб: бош бухгалтер томонидан.

	Кирим ва чиқим касса журналлари ким томонидан юритилади? Жавоб: бухгалтерия масъул ходими томонидан юритилади.
	Банк кассаларига топширилган шикастланган, лекин тўловга яроқли эканлиги шубҳа уйғотмайдиган банкнот ва тангалар алмаштириб берилганида қайси касса ҳужжатлари расмийлаштирилади ва қандай бухгалтерия ўтказмаси амалга оширилади? Жавоб: банк кассаларига топширилган шикастланган, лекин тўловга яроқли эканлиги шубҳа уйғотмайдиган банкнот ва тангаларни алмаштириб берилиши, бухгалтерия ўтказмаларисиз, ҳеч қандай касса ҳужжатлари расмийлаштирилмаган ҳолда амалга оширилади.
	Кассир томонидан «Алмаштирилган» тўртбурчак муҳри қаерга босилади? Жавоб: шикастланган, лекин «тўловга яроқли» банкнотлар алмаштириб берилганида, уларга «Алмаштирилган» тўртбурчак муҳри босилади. Шикастланган банкнотларга, унинг алмаштирилган санаси, пулнинг ҳақиқийлигини кўздан кечирган касса ходимининг фамилияси, исми ва отасининг исми кўрсатилиб, имзоси қўйилади. Шикастланган банкнотлар «эскирган» пуллар тоифасига ўтказилади
	Кассир томонидан «Алмаштириб бериш рад этилди» ёзувли тўртбурчак муҳр қаерга босилади? Жавоб: мижоз банк кассасига топшираётган нақд пули «тўловга яроқсиз» эканлигига ишонч ҳосил қилгач, бундай банкнотга кирим кассаси кассирининг банк номи туширилган «Алмаштириб бериш рад этилди» ёзувли тўртбурчак муҳри босилади ва мазкур қарорни қабул қилган касса ходимининг имзоси қўйилади. «Алмаштириб бериш рад этилди» деган тўртбурчак муҳр босилган банкнотлар мижозга қайтариб берилмайди.