Қишлоқ қурилиш банк

Моддий жавобгарлик тўғрисидаги шартнома кимлар билан тузилади?
Жавоб: нақд пул ва бошқа қимматликларнинг бут сақланиши учун жавобгар бўлган ҳамда касса операцияларини бажарувчи барча ходимлар билан (шу жумладан, кечки кассанинг бухгалтер-назоратчиси билан ҳам) моддий жавобгарлик тўғрисида шартнома тузилади.

	Кассирлар томонидан ўраб-боғланган нақд пул ва бошқа қимматликларнинг боғламлари (дасталари) ичидан камомад аниқланса, ким моддий жавобгар ҳисобланади? Жавоб: Банк кассирлари ўраб-боғлаган нақд пул ва бошқа қимматликларнинг боғламлари (дасталари) ичидан камомад (тўловга яроқсиз, қалбаки пуллар ва қимматликлар) аниқланса, аниқланган камомад суммаси учун ушбу боғламни (дастани) шакллантирган кассир қонун ҳужжатларида белгиланган тартибда моддий жавобгар ҳисобланади
	Банк томонидан филиал биносида ва бинодан ташқарида мижозларга касса хизматини кўрсатиши учун қандай ҳужжат асос бўлиб ҳисобланади ва у ким томонидан берилади? Жавоб: банк томонидан мижозларга касса хизматларини кўрсатиш учун банк (филиал) биносида ва бинодан ташқарида ташкил этилган барча турдаги кассаларни қурилиши, зарурий асбоб-ускуналар билан жиҳозланиши, касса узелининг тайёрлиги ва дастурий-техник воситалар билан жиҳозланганлиги бўйича Бош банк мутахассислари томонидан берилган ижобий хулоса асос бўлиб ҳисобланади.
	Филиалда касса ишини тўғри ташкил этиш, нақд пуллар ва бошқа қимматликлар бут сақланишини таъминлаш ҳамда мижозларга ушбу Йўриқнома талаблари асосида касса хизматлари кўрсатилиши учун кимлар масъул? Жавоб: бошқарувчи, бош бухгалтер ва касса мудири масъул.