Қишлоқ қурилиш банк

Бирламчи уй-жой бозори деганда нима тушунилади?
Жавоб: Ўзбекистон Республикаси Вазирлар Маҳкамасининг 2021 йил 5 февралдаги 56-сонли қарорига мувофиқ бирламчи уй-жой бозори (янги қурилган уй-жой)-туман (шаҳар) ҳокимининг қурилиши тугалланган уй-жойни фойдаланишга қабул қилиб олиш тўғрисида комиссия далолатномасини тасдиқлаш ҳақидаги қарори асосида мулк ҳуқуқи юзага келган ҳамда қабул қилиб олинганига уч йилдан кўп бўлмаган уй-жой.

	Субсидия тўловлари нима? Жавоб: Ипотека кредитлари асосида бирламчи уй-жой бозорида квартираларни сотиб олиш учун бошланғич бадал ва/ёки кредит фоизли харажатларининг бир қисмини қоплаш мақсадида давлат бюджетидан Ўзбекистон Республикасининг фуқароси учун банкда унинг номига очилган тегишли ҳисобварағига ўтказилган пул маблағлари
	Молия вазирлигидан янги тартиб доирасида ва бирламчи бозорда квартира харид қилиш учун ипотека кредитлари ажратилишида, тижорат банкларига ресурс маблағлари ажаратишда банкларга қандай мезонлар ўрнатилган? Жавоб: Банкда янги тартиб доирасида ипотека кредитларини ажратиш юзасидан аниқ белгиланган ички тартиб мавжуд бўлиши ва банк "Fitch Ratings" ёки "Standard & Poor's" рейтинг агентликларининг "B" даражасидан ёки "Moody's Investors Service" рейтинг агентлигининг "B2" рейтинингидан паст бўлмаган даражада узоқ муддатли кредит рейтингига эга бўлиши; Охирги уч йиллик молиявий ҳисоботлари бўйича аудиторлик ташкилоти ижобий хулосасининг мавжудлиги ва банк давлат бюджети маблағлари, шу жумладан Молия вазирлиги томонидан янги тартибга мувофиқ жойлаштирилган молиявий маблағлар бўйича муддати ўтган қарздорликка эга эмаслиги; Марказий банк томонидан ўрнатилган пруденциал нормативларни бузилганлиги сабабли банкга нисбатан ипотека кредитларини берилишига тўсқинлик қилучи амалдаги чора ва санкцияларнинг мавжуд эмаслиги ва банкнинг регулятив капитали 500,0 млрд. сўмдан кам бўлмаслиги лозим
	Ўзбекистон Республикаси Президентининг ПФ-6186 фармонига асосан айрим шахсларга, шу жумладан даромади юқори бўлмаган ва уй-жой шароитини яхшиларга мухтож бўлганларга субсидиялар қайси манба ҳисобидан ажратилади? Жавоб: Ўзбекистон Республикаси Давлат бюджети маблағлари ҳисобидан