Қишлоқ қурилиш банк

Иш ҳақи ва унга тенглаштирилган тўловларга банк кассаларидан нақд пулларни бериш календарида нималар акс эттирилади?
Жавоб: календарда хўжалик юритувчи субъектларга нақд пулларни беришнинг келишилган муддатлари ва бериладиган нақд пулларнинг аниқ миқдори ойма-ой қўйиб борилади. Бунда, ойдаги барча кунлар, шу жумладан иш кунидан ташқари кунлар (дам олиш ва байрам кунлари) бўйича ҳам иш ҳақи ва унга тенглаштирилган тўловлар имкон қадар тенг тақсимлаб чиқилиши лозим. «Иш ҳақи ва унга тенглаштирилган тўловларга банк кассаларидан нақд пулларни бериш календари»га банк кассасидан иш ҳақи ва унга тенглаштирилган тўловлар учун бериладиган нақд пулларнинг барча суммаси киритилади.

	Тижорат банклари айланма кассаларини нақд пуллар билан таъминлаш мақсадида зарур ҳолларда Марказий банкнинг ҳудудий Бош бошқармалари ҲККМ захира жамғармаларидан қанча миқдорда мадад пули олишлари мумкин? Жавоб: банклар айланма кассаларини нақд пуллар билан таъминлаш банкларнинг вакиллик ҳисобварағидаги маблағлар доирасида, зарур ҳолларда Бош бошқармаларнинг ҲККМ захира жамғармаларидаги нақд пуллардан фойдаланган ҳолда, чекланмаган миқдорда амалга оширилади.
	Дастурлар доирасида ипотекали кредитлаш
	Ўзбекистон Республикаси Президентининг 2021 йил 11 мартдаги ПФ-6186 фармонига асосан янги тартиб бўйича ипотека кредитлари қанча миқдорда ажратилади? Жавоб: Ипотека кредитлари қуйидаги миқдорда ажратилади: Қишлоқ ҳудудларида - квартира қийматининг 85%игача ва 238,0 млн.сўмдан ортиқ бўлмаган миқдорда; Вилоятларнинг шаҳар ҳудудларида - квартира қийматининг 85%и гача ва 309,4 млн.сўмдан ортиқ бўлмаган миқдорда; Тошкент шаҳрида - квартира қийматининг 85%игача ва 339,15 млн.сўмдан ортиқ бўлмаган миқдорда.