Қишлоқ қурилиш банк

Хўжалик юритувчи субъектларнинг кассасидаги нақд пул қолдиғига лимит 2 йил муддатга ўрнатилиши мумкинми?
Жавоб: касса айланмалари суммаси катта бўлмаган, савдо фаолияти билан шуғулланувчи хўжалик юритувчи субъектлари кассасида кун охирида қоладиган нақд пуллар лимити бундай хўжалик юритувчи субъектлар раҳбарларининг розилиги билан банк томонидан 2 йилга тасдиқланиши мумкин.

	Ҳисоб-китоб маълумотномаси(3003-сонли йўриқноманинг 1-иловаси)ни банкка тақдим этмаган хўжалик юритувчи субъектларнинг касса қолдиғи лимити қандай аниқланади? Жавоб: ҳисоб-китоб маълумотномаси(3003-сонли йўриқноманинг 1-иловаси)ни банкка тақдим этмаган хўжалик юритувчи субъектларнинг касса қолдиғи лимити «нолга тенг» ва банкка топширилмаган нақд пуллари «лимитдан ортиқча нақд пуллар» деб ҳисобланади.
	Хўжалик юритувчи субъектлар ўз кассаларида белгиланган лимитлардан ортиқча миқдорда нақд пулларни қандай ҳолларда ва қанча вақт мобайнида сақлаш ҳуқуқига эга? Жавоб: хўжалик юритувчи субъектлар ўз кассаларида нақд пулларни белгиланган лимитлардан ортиқча миқдорда фақат ўз ходимларига иш ҳақи ва унга тенглаштирилган (нафақа, пенсия, стипендия ва бошқа ижтимоий) тўловларни тўлаш учун банкдан олинган кунни қўшиб ҳисоблаган ҳолда, 3 иш кунидан ортиқ бўлмаган муддат мобайнида сақлаш ҳуқуқига эга.
	Иш ҳақи ва унга тенглаштирилган тўловларга банк кассаларидан нақд пулларни бериш календари нима мақсадда ва қанча муддатга тузилади? Жавоб: банклар нақд пуллар захирасини тартибга солиш ҳамда мижозларнинг нақд пулга бўлган талаблари ўз вақтида ва тўлиқ қондирилишига эришиш учун ҳар ойда (3003-сонли йўриқноманинг 2-иловасига мувофиқ) «Иш ҳақи ва унга тенглаштирилган тўловларга банк кассаларидан нақд пулларни бериш календари»ни тузадилар.