Қишлоқ қурилиш банк

Банкоматларни ўз вақтида нақд пуллар билан таъминланишини назорат қилиш ким томонидан амалга оширилади?
Жавоб: филиал бошқарувчиси банкоматларни ўз вақтида нақд пуллар билан таъминланишини назорат қилиб бориши лозим.

	Банкоматларда нақд пуллар билан бажарилган операциялар қайси ҳисобварақда акс эттирилади? Жавоб: банкоматларда нақд пуллар билан бажарилган операциялар ҳар бир банкомат учун алоҳида очилган 10107 — «Банкоматлардаги нақд пуллар» ҳисобварағида акс эттирилади.
	Банкомат сейфини нақд пуллар билан тўлдириш, нақд пул қолдиқларини олиб келиш, техник хизмат кўрсатиш ёки таъмирлаш ишларини бажариш учун банк томонидан кимлар масъул этиб бириктирилади? Жавоб: банкомат сейфини нақд пуллар билан тўлдириш, нақд пул қолдиқларини олиб келиш, техник хизмат кўрсатиш ёки таъмирлаш ишларини бажариш учун банк томонидан банкоматга хизмат кўрсатувчи техник ходим ва касса ходими бириктирилиши лозим.
	Касса мудиридан олинган нақд пулларни кассир томонидан банкомат сейфига ўз вақтида ва тўлиқ қўйилишини, банкоматдан олинган нақд пуллар қолдиғини касса мудирига топширилишини назорат қилиш вазифаси кимга юклатилади? Жавоб: касса мудиридан олинган нақд пулларни кассир томонидан банкомат сейфига ўз вақтида ва тўлиқ қўйилишини, банкоматдан олинган нақд пуллар қолдиғини касса мудирига топширилишини назорат қилиш вазифасини банкоматларга техник хизмат кўрсатувчи ходим бажаради.
	Банкоматдаги нақд пул қолдиғини акс эттирувчи слип ким томонидан, қачон чоп этилади ва кимга топширилади? Жавоб: банкомат қандай мақсадда очилишидан қатъий назар, ҳар сафар банкомат очилишидан олдин техник ходим касса ходими иштирокида банкоматдаги нақд пул қолдиғини акс эттирувчи слипни чоп этиб, касса ходимига тақдим этиши лозим.
	Банкоматни нақд пул билан таъминлаш учун чиқим касса ордерини расмийлаштириш, тегишли бухгалтерия ўтказмасини амалга ошириш ва ушбу чиқим касса ордерини касса мудирига топшириш вазифалари ким томонидан бажарилади? Жавоб: бухгалтерия бўлими ходими банкоматни нақд пул билан таъминлаш учун чиқим касса ордерини расмийлаштириб, тегишли бухгалтерия ўтказмасини амалга оширади. Шундан сўнг, ушбу чиқим касса ордерини касса мудирига топширади.