Қишлоқ қурилиш банк

Кассада ўтказиладиган тафтишлар далолатномаси қандай расмийлаштирилади ва қаерда сақланади?
Жавоб: Ўтказилган тафтиш натижалари бўйича «Хизмат доирасида фойдаланиш учун» грифи қўйилган далолатнома тузилиб, бош бухгалтернинг сейфида, алоҳида йиғмажилдда сақланиши шарт.

	Қайси ҳолларда филиал кассадаги нақд пул ва бошқа қимматликлар тўлиқ, бирма-бир ва доналаб қайта саналиши шарт? Жавоб: Банкнинг раҳбари, бош бухгалтери ёки касса мудири эгаллаб турган лавозимидан озод этилганида, кассадаги нақд пул ва бошқа қимматликлар тўлиқ, бирма-бир ва доналаб қайта саналиши шарт.
	Кассада ўтказиладиган тафтишда уч моддий жавобгар шахслар иштирок этиши шартми? Агарда турли сабабларга кўра тафтишда улардан бири иштирок эта олмаса, нима бўлади? Жавоб: кассада ўтказиладиган тафтишлар уч моддий жавобгар шахслар иштирокида ўтказилади. Моддий жавобгар шахс турли сабабларга кўра тафтиш жараёнларида иштирок этмаган бўлса, бу ҳақида далолатномада алоҳида қайд этилиши лозим.
	Қандай кассалар айланма касса дейилади? Жавоб: кирим ва чиқим кассалари ёки кирим-чиқим кассаси.
	Касса операциялари деганда нимани тушунасиз? Жавоб: касса ҳужжатлари асосида нақд пул ва бошқа қимматликларни кирим ёки чиқим қилиш, қайта санаш, саралаш, ўраб-боғлаш, алмаштириб бериш ҳамда инкассаторлардан қабул қилиб олиш ёки уларга ташиш учун топшириш.