Қишлоқ қурилиш банк

АТБ “Қишлоқ қурилиш банк” томонидан жисмоний шахсларнинг кредитга лаёқатлилигини баҳолашнинг скоринг модели қайси қарорга асосан ишлаб чиқилган?
Жавоб: Мазкур модел Ўзбекистон Республикаси Президентининг 2018 йил 23 мартдаги “Банк хизматлари оммабоплигини ошириш бўйича қўшимча чора-тадбирлар тўғрисида”ги ПҚ-3620-сонли қарори ва Марказий банк Бошқарувининг 2018 йил 16 июлдаги 25/1-сонли қарори талабларига мувофиқ ишлаб чиқилган.

	Андеррайтинг ва андеррайтер тушунчаларини ёритиб беринг. Жавоб: Андеррайтинг – бу кредитлашга доир амалдаги меъёрий хужжатларга мувофиқ андеррайтер томонидан қарз олувчининг кредитга лаёқатлигини мустақил тахлил қилиш ва ўзига белгиланган ваколатлар доирасида кредит бериш ёки уни рад этиш тўғрисида қарорларни қабул қилиш жараёни; Андеррайтер – бу кредит аризаларини мавжуд дастурий таъминотлар асосида тезкор ва сифатли ўрганиб, якуний қарор қабул қилиш ёки рад этишга асос бўлган таҳлилий маълумотларни ваколатли шахсга қараб тақдим этувчи масъул ходим.
	Скоринг нима ? Жавоб: Скоринг бу – математик модель бўлиб, қарз олувчига КАТМ томонидан кредит тарихи ва тўловлари бўйича берилган скоринг балл, ўртача ойлик тўловлари ва даромадлари, шунинг молиявий ҳолати, ижтимоий аҳволи ва киритилган маълумотларни қарз олувчи тақдим этган ҳужжатларга мувофиқлигига таянган ҳолда, кредитни қарз олувчи томонидан муддатида қайтариш эҳтимолини баҳолаш имконини беради.
	“Гаров реестри тўғрисида”ги Қонун ҳақида нималар биласиз? Жавоб: Қонуннинг мақсади гаров реестрини юритиш соҳасидаги муносабатларни тартибга солишдан иборат. Гаров реестри - мажбуриятлар бажарилишини таъминлаш воситаси сифатида қарздорларнинг бериб қўйилган мол-мулкига нисбатан кредиторларнинг ҳуқуқлари тўғрисидаги, шунингдек қарздорнинг мол-мулкни тасарруф этиш ва ундан фойдаланишга доир ҳуқуқларига қонунга мувофиқ қўйилган чеклов ҳамда қарздор ўз мажбуриятлари лозим даражада бажарилишини таъминлаши билан боғлиқ бошқа талаблар ҳақидаги ёзувларни ўз ичига олган маълумотларнинг ягона ахборот базаси Асос; Ўзбекистон Республикасининг "Гаров реестри тўғрисида"ги Қонуни (23.10.2013й № ЎРҚ-356) Ўзбекистон Республикаси Вазирлар Маҳкамасининг 2014 йил 12 июндаги “Гаров реестри тўғрисида”ги Ўзбекистон Республикаси Қонунини амалга ошириш чора-тадбирлари тўғрисида”ги 155-сонли Қарори