Қишлоқ қурилиш банк

Товарлар импорти нима?
Жавоб: Товарлар импорти деганда товарларни уларни қайтариб олиб чиқиш мажбуриятисиз Ўзбекистон Республикасининг божхона ҳудудига олиб кириш тушинилади.

	Товарлар экспорти нима? Жавоб: Товарларни уларни қайтариб олиб кириш мажбуриятисиз Ўзбекистон Республикасининг божхона ҳудудидан олиб чиқиш товарлар экспорти дейилади.
	Ташқи савдо контрактлари ва инвойсларга идентификация рақамлари (ИДН) қандай шаклланади? Жавоб: Жами 27 та рақамдан иборат бўлади, “A” қисми 9 та рақамдан иборат бўлиб, ташқи савдо келишувига оид ҳужжат бўйича банк операцияларини амалга ошираётган тижорат банкининг СТИРи ёки ташқи савдо контракти биржа (ярмарка)да тузилган тақдирда, ушбу биржа (ярмарка)нинг СТИРи, “Б” қисми СТИРни (импорт қилувчи/экспорт қилувчи — резидентни) ифода этадиган 9 та рақамдан иборат бўлади, “В” қисми 2 та рақамдан иборат бўлиб, йилнинг охирги 2 та рақами кўрсатилади (масалан: 2019 бўлса, унда 19 кўрсатилади), «Г» қисми ташқи савдо операцияларини ифода этадиган 2 та рақамдан иборат бўлади (масалан: 01 - экспорт контракти, 02 - импорт контракти, 03 - бартер контракти ва ҳ.к.), “Д” қисми контракт ёки инвойснинг ТСОЯЭАТ томонидан автоматик равишда бериладиган тартиб рақамини ифода этадиган 5 та рақамдан иборат бўлади.
	Конвертация қилинган мақсадли маблағлардан фойдаланиш муддати? Жавоб: Банк мижози томонидан сотиб олиниб, мижознинг махсус валюта ҳисобварағига киритилган вақтдан эътиборан етти банк иш куни мобайнида фойдаланилмаган валюта маблағлари, ушбу муддат тугагандан кейинги банк иш кунидан кечиктирилмаган ҳолда тижорат банкларига қайта сотилиши шарт.