Қишлоқ қурилиш банк

Ички валюта бозорида қандай операциялар амалга оширилади?
Жавоб: Валюта биржасида ҳамда Ўзбекистон Республикаси банклари ўртасида чет эл валютасини сотиш ва сотиб олиш;
тижорат банклари томонидан ўз мижозларининг валюта маблағларини шартнома (оферта битими) асосида сотиш ва сотиб олиш;
тижорат банклари томонидан жисмоний шахслар билан валюта айирбошлаш операцияларини амалга ошириш;
тижорат банклари томонидан банклараро савдо сессиясида валюта маблағларини сотиб олиш ва сотиш;
товар-хом ашё биржаларида товарларни ва (ёки) қимматли қоғозлар савдоси ташкилотчиларининг очиқ электрон савдоларида акцияларни сотишдан олинган маблағлар ҳисобига норезидентлар томонидан, шу жумладан норезидентлар номидан биржа брокерлари ва инвестиция воситачилари орқали валюта маблағларини сотиб олиш ва сотиш.

	Очиқ валюта позицияси нима, узун ва қисқа позицияларга таъриф беринг? Жавоб: Банкнинг чет эл валютасидаги талаблари миқдори унинг чет эл валютасидаги мажбуриятлари миқдорига мос (тенг) бўлмаган ҳолатдаги валюта позицияси очиқ валюта позицияси дейилади. Узун валюта позицияси — банкнинг чет эл валютасидаги талаблари миқдори унинг чет эл валютасидаги мажбуриятлари миқдоридан ортиқ бўлган ҳолатдаги очиқ валюта позицияси, қисқа валюта позицияси — банкнинг чет эл валютасидаги мажбуриятлари миқдори унинг чет эл валютасидаги талаблари миқдоридан ортиқ бўлган ҳолатдаги очиқ валюта позицияси тушинилади.
	Аккредитив тўлов тури нима ва амалга ошириш жараёнини тушинтириб беринг? Жавоб: Аккредитив – бу мижоз (Аппликант) топшириғи билан аккредитивни очган банк (Банк-эмитент) томонидан воситачи банк (Ижро этувчи банк) орқали маблағларни олувчи ёки у кўрсатган шахс (Бенефициар) тегишли ҳужжатларни тақдим этганда ва тўлов шаклида назарда тутилган бошқа шартларни бажарган тақдирда тўловларни амалга ошириши тўғрисидаги мажбуриятдир. Аккредитив амалиётини бажаришда 3 та банк (эмитент, ижро этувчи ва авизоловчи банклар) қатнашади. Маблағларни олувчи (Бенифицар)га хизмат кўрсатувчи, аккредитивни очилганлиги ва шартлари тўғрисида хабарни етказувчи банк авизоловчи банк деб аталади. Аккредитивни ижро этишда банк-эмитент ёки авизоловчи банк бир вақтнинг ўзида ижро этувчи банк сифатида ҳам қатнашиши мумкин.