Қишлоқ қурилиш банк

Агар давлат Халқаро валюта фонди аъзоси ҳисобланмаса, унда Халқаро тикланиш ва тараққиёт банки аъзоси ҳисобланиши мумкинми ёки мумкин эмасми?
Жавоб: Ха, мумкин агарда Бирлашган миллатлар ташкилоти аъзоси бўлмаса.

	Ўзбекистон Республикаси қандай халқаро молия инстутлари аъзоси ҳисобланади? Жавоб: Жаҳон банки, Халқаро валюта фонди, Европа тикланиш ва тараққиёт банки, Осиё тараққиёт банки, Халқаро молия корпорацияси.
	Чет эллик инвестициялар тушунчасига таъриф беринг? Жавоб: Ўзбекистон Республикасининг “Чет эл инвестициялари тўғрисида”ги қонунга асосан - чет эллик инвесторлар асосан даромад (фойда) олиш мақсадида тадбиркорлик фаолияти ва қонун ҳужжатларида тақиқланмаган бошқа турдаги фаолият объектларига қўшадиган барча турдаги моддий ва номоддий бойликлар ва уларга доир ҳуқуқлар, шу жумладан, интеллектуал мулкка доир ҳуқуқлар, шунингдек чет эл инвестицияларидан олинган ҳар қандай даромад Ўзбекистон Республикаси ҳудудида чет эл инвестициялари деб эътироф этилади.
	Узоқ муддатли инвестициявий молиялаш деганда нимани тушунасиз? Жавоб: Уч йилдан кам бўлмаган муддатга бериладиган инвестициявий кредитлар ва лизинг хизматлари, шу жумладан, банклар томонидан олинадиган ишлаб чиқариш корхоналари негизида ташкил этиладиган компаниялар активларига банклар томонидан йўналтириладиган маблағлари ҳисобланади.
	Инвестициянинг қандай турлари мавжуд? Жавоб: Инвестициялар мўлжалланган объектига кўра капитал, инновация ва ижтимоий инвестицияларга бўлинади. (Ўзбекистон Республикасининг «Инвестиция фаолияти тўғрисида»ги Қонунининг 4-моддаси) Капитал инвестицияларга асосий фондларни вужудга келтириш ва такрор ишлаб чиқаришга, шу жумладан янги қурилишга, модернизациялашга, реконструкция қилишга, техник жиҳатдан қайта жиҳозлашга, шунингдек моддий ишлаб чиқаришнинг бошқа шаклларини ривожлантиришга киритиладиган инвестициялар киради. Инновация инвестицияларига янги ёки такомиллаштирилган товарларни (ишларни, хизматларни), ишлаб чиқариш жараёнини, тадбиркорлик фаолиятини юритишда янги маркетинг услубини ёки ташкилий услубни ишлаб чиқиш ва ўзлаштиришга киритиладиган инвестициялар киради. Ижтимоий инвестицияларга инсон салоҳиятини, кўникмаларини ва ишлаб чиқариш тажрибасини оширишга, шунингдек номоддий неъматларнинг бошқа шаклларини ривожлантиришга киритиладиган инвестициялар киради.