International Accounting Standard 19

Суғурталанган нафақалар
46 Тадбиркорлик субъекти бандликдан-сўнгги нафақа тизимини молиялаштиришда суғурта бадалларини тўлаши мумкин. Тадбиркорлик субъекти бундай тизимни белгиланган бадал тизими сифатида ҳисобга олиши лозим, агар у қуйидагилар бўйича юридик ёки кўзда тутилган мажбуриятга (ёки бевосита ёки тизим орқали билвосита) эга бўлмаса:
(a) ходимларга нафақаларни уларнинг муддати келган пайтда тўлаш; ёки
(б) қўшимча суммаларни тўлаш, агарда суғурталовчи жорий ва олдинги даврлардаги ходим хизматига тегишли бўлган барча келгуси нафақаларни тўламаса.
Агарда тадбиркорлик субъекти бундай юридик ёки кўзда тутилган мажбуриятга эга бўлса, у бундай тизимни белгиланган нафақа тизими сифатида ҳисобга олиши лозим.
47 Суғурта полиси орқали суғурталанган нафақалар тадбиркорлик субъектининг ходимларга нафақалар бўйича мажбурияти билан бевосита ёки автоматик боғлиқликка эга бўлиши зарур эмас. Суғурта полисларини қамраб оладиган бандликдан-сўнгги нафақа тизимларига ҳам бошқача молиялаштириладиган тизимларнинг бухгалтерия ҳисоби ва молиялаштирилишига ҳос бўлган фарқлар тааллуқлидир.
48 Тадбиркорлик субъекти бандликдан-сўнгги нафақа тўлаш мажбуриятини тадбиркорлик субъекти юридик ёки кўзда тутилган мажбуриятни (ёки бевосита, тизим орқали билвосита, келгуси суғурта бадалларини белгилайдиган усул орқали ёки суғурталовчи билан ўзаро боғлиқ томон билан операция орқали) сақлайдиган суғурта полисига бадал тўлаш орқали молиялаштирса, суғурта бадаллари тўлови белгиланган бадал келишувидаги суммага эквивалент бўлмайди. Бу шуни англатадики, тадбиркорлик субъекти:
(a) шартли таснифланадиган суғурта полисини тизим активи сифатида ҳисобга олади (8-бандга қаранг); ва
(б) бошқа суғурта полисларини қоплаш ҳуқуқлари сифатида тан олади (агарда полислар 116-банддаги мезонни қаноатлантирса).
49 Қачонки суғурта полиси муайян тизим иштирокчиси ёки тизим иштирокчилари гуруҳи номида бўлса ва тадбиркорлик субъекти полис бўйича ҳар қандай зарарни қоплаш учун ҳеч бир юридик ёки кўзда тутилган мажбуриятга эга бўлмаса, тадбиркорлик субъекти ходимларга нафақаларни тўлаш бўйича мажбуриятга эга бўлмайди ва фақатгина суғурталовчи нафақаларни тўлаш бўйича жавобгарликка эга бўлади. Бундай шартномалар асосида ўзгармас суғурта бадаллари тўлови моҳиятан мажбуриятни бажариш учун инвестиция эмас, балки ходимларга нафақа тўлаш мажбуриятини бажариш ҳисобланади. Ўз навбатида, тадбиркорлик субъекти актив ёки мажбуриятга эга бўлмайди. Шу туфайли, тадбиркорлик субъекти бундай тўловларни белгиланган бадал тизимига бадаллар сифатида ҳисобга олади.