International Accounting Standard 19

Бандликдан-сўнгги нафақаларни тўлаш: белгиланган бадал тизимлари
50 Белгиланган бадал тизимларини ҳисобга олиш оддийдир, чунки ҳисобот берадиган тадбиркорлик субъектининг ҳар бир давр учун мажбурияти ушбу давр учун тўланадиган сумма билан аниқланади. Ўз навбатида, ҳеч қандай актуар фаразлар мажбуриятни ёки харажатни баҳолашда талаб этилмайди ва ҳеч қандай актуар фойда ёки зарар эҳтимоли мавжуд бўлмайди. Бундан ташқари, мажбуриятлар дисконтланмаган асосда ҳисобланади, бундан уларнинг тўлиқ ҳисоб-китоб қилиниши ходимлар тегишли хизматларни кўрсатадиган йиллик ҳисобот даври охиридан сўнг ўн икки ойдан олдин кутилмаган ҳолат мустасно.
Тан олиш ва баҳолаш
51 Қачонки ходим тадбиркорлик субъектига давр мобайнида хизмат кўрсатган бўлса, тадбиркорлик субъекти ушбу хизмат эвазига белгиланган бадал тизимига тўланиши лозим бўлган бадални қуйидагича тан олиши лозим:
(a) аллақачон тўланган ҳар қандай бадални чегиргандан сўнг, мажбурият (ҳисобланган харажат) сифатида. Агарда аллақачон тўланган бадал ҳисобот даври охиридан олдинги хизмат учун бадалдан ошса, тадбиркорлик субъекти ушбу ошган қисмни актив (олдиндан тўланган харажат) сифатида тан олиши лозим, бунда олдиндан тўлов, масалан, келгуси тўловларда камайишга ёки пул маблағида қайтарилишга олиб келади.
(б) харажат сифатида, бунда бошқа МҲХС бадални активнинг таннархига киритишни талаб этмаса ёки киритишга рухсат бермаса (масалан, БҲХС 2 ва БҲХС 16 га қаранг).
52 Қачонки белгиланган бадал тизимига бадалларнинг тўлиқ ҳисоб-китоб қилиниши ходимлар тегишли хизматларни кўрсатадиган йиллик ҳисобот даври охиридан сўнг ўн икки ойдан олдин кутилмаса, улар 83-бандда қайд қилинган дисконт ставкаси орқали дисконтланиши лозим.
Маълумотларни очиб бериш
53 Тадбиркорлик субъекти белгиланган бадал тизимлари учун харажат сифатида тан олинган суммани очиб бериши лозим.
54 БҲХС 24 талаб этадиган ҳолатда, тадбиркорлик субъекти асосий раҳбарият ходимлари учун белгиланган бадал тизимларига тўланган бадаллар тўғрисидаги маълумотни очиб беради.