International Accounting Standard 19

Маълумотларни очиб бериш
171 Мазкур Стандарт ишдан бўшатиш нафақалари бўйича муайян маълумотлар очиб берилишини талаб этмасада, бошқа МҲХСлар бундай маълумотлар очиб берилишини талаб этиши мумкин. Масалан, БҲХС 24 асосий раҳбарият ходимларининг даромадлари тўғрисидаги маълумотларни очиб беришни талаб этади. БҲХС 1 ходимларнинг даромадлари бўйича харажатларини очиб беришни талаб этади.
Ўтиш қоидалари ва кучга кириш санаси
172 Тадбиркорлик субъекти мазкур Стандартни 2013 йилнинг 1 январидан бошланадиган ва ундан кейинги йиллик даврлар учун қўллаши лозим. Муддатидан олдин қўллашга рухсат этилади. Агарда тадбиркорлик субъекти мазкур Стандартни олдинги давр учун қўлласа, у ушбу фактни очиб бериши лозим.
173 Тадбиркорлик субъекти мазкур Стандартни БҲХС 8 “Ҳисоб сиёсатлари, ҳисоблаб чиқилган баҳолардаги ўзгаришлар ва хатолар” га мувофиқ ретроспектив тарзда қўллаши лозим, бундан қуйидагилар мустасно:
(a) тадбиркорлик субъекти мазкур Стандартнинг қўллаш доирасидан ташқарида бўлган активларнинг баланс қийматини дастлабки қўллаш санасидан олдин баланс қийматга киритилган ходимларнинг даромадлари бўйича харажатлардаги ўзгаришларга нисбатан тўғрилаши талаб этилмайди. Дастлабки қўллаш санаси тадбиркорлик субъекти мазкур Стандартни қабул қиладиган биринчи молиявий ҳисоботларда тақдим этилган энг эрта олдинги даврнинг бошидир.
(б) 2014 йилнинг 1 январидан олдин бошланадиган даврлар учун молиявий ҳисоботларда, тадбиркорлик субъекти белгиланган нафақа мажбуриятининг таъсирчанлиги тўғрисида 145-бандда талаб этилган очиб беришлар учун қиёсий маълумотларни тақдим этиши талаб этилмайди.
174 2011 йилнинг май ойида чоп этилган МҲХС 13 га асосан 8-банддаги ҳаққоний қиймат таърифи ўзгартирилди ва 113-банд ўзгартирилди. Қачонки тадбиркорлик субъекти МҲХС 13 ни қўлласа, у мазкур ўзгаришларни қўллаши лозим.

1Шартли таснифланадиган суғурта полиси МҲҲС 4 “Суғурта шартномалари” да таърифланган суғурта шартномаси бўлиши зарур эмас.

^© МҲҲС Фонди