Илмий даражалар берувчи phD

Тадқиқот мавзусининг диссертация бажарилган олий таълим муассасасининг илмий-тадқиқот ишлари режалари билан боғлиқлиги. Диссертация тадқиқоти Наманган давлат университети илмий-тадқиқот ишлари режасининг А1-ҚХ-1-95207. “Замонавий дарсликларда концентризм тамойили асосида тақдим этиладиган ўқув материалларини танлаш ва лойиҳалаш” (2012-2014 йй.), ПЗ-2014-0903160552. “Умумий ўрта таълим мактабларида модулли ўқитиш жараёнини технологик таъминлаш механизмлари” (2015-2017 йй.) мавзулари доирасида бажарилган.
Тaдқиқoтнинг мaқcaди умумтаълим фанларидан бенчмаркинг воситасида янги авлод дарсликларини яратиш технологиясини такомиллаштиришдан иборат.
Тадқиқотнинг вазифалари:
янги авлод дарсликларининг таркибий асослари ва дидактик функцияларини аниқлаштириш;
бенмаркинг-лойиҳа асосида янги авлод дарсликларини яратишнинг мазмуни, босқичлари ва уни амалга оширишнинг ташкилий асосларини такомиллаштириш;
тарих фанидан янги авлод дарсликларига қўйиладиган дидактик ва методик талабларни аниқлаштириш орқали ўқув материалларини тизимлаштиришнинг методик шартларини асослаш;
умумтаълим фанларидан янги авлод дарсликларини яратиш технологиясининг компонентлари, дидактик блоклари ва методик аппаратини такомиллаштириш.
Тадқиқотнинг объекти сифатида тарих фанидан янги авлод дарсликларини бенчмаркинг воситасида яратиш жараёни белгиланиб, тажриба-синов ишларига умумий ўрта таълим мактабларининг 200 нафар фан ўқитувчилари, халқ таълими бўлимларининг 30 нафар методисти, олий таълим муассасаларининг 50 нафар мутахассис-олимлари жалб қилинди.
Тадқиқотнинг предмети умумтаълим фанларидан бенчмаркинг воситасида янги авлод дарсликларини яратиш мазмуни ва технологияси.
Тадқиқотнинг усуллари. Тадқиқотда унинг мақсади ва вазифаларига мувофиқ келувчи анализ, синтез, қиёслаш, кузатиш, эксперт баҳолаш, моделлаштириш, математик-статистик таҳлил ҳамда тажриба-синов методларидан фойдаланилди. Дарслик сифатини баҳолашда муаллифлик методикасига асосланилди.