Илмий даражалар берувчи phD

Тадқиқотнинг илмий янгилиги қуйидагилардан иборат:
янги авлод дарсликларининг асосий матнга доир (назарий-когнитив, амалий-воситали), матндан ташқари (ўзлаштиришнинг қулайлиги, иллюстратив ва кўрсатмали материаллар) таркибий асосларини эмпирик баҳолаш орқали информацион, мотивацион ва фаолиятли компонентларнинг интегратив функциялари аниқлаштирилган;
таълимий бенчмаркингнинг стратегик, операцион, жараёнли, ички ва ташқи турлари, амалий иш тажрибасини эксперт баҳолаш, сифат кўрсаткичларига устуворлик бериш орқали бенчмаркинг-лойиҳа асосида янги авлод дарсликларини яратиш босқичлари (тайёрлов, маълумотлар базаси, натижалар таҳлили, янгилик киритиш) такомиллаштирилган;
тарих фанидан янги авлод дарсликларига қўйиладиган дидактик ва методик талаблар махсус ўқув қўлланмалар (“activity books”) яратиш амалиётини жорий этиш, етакчи модулларни (Study Unit) белгилаш, идентив мақсадни аниқлаш, хронологик жадваллар (timelines) тузиш, воқеликни “панорама” кўринишида тақдим этиш, аналитик ва изланишга доир топшириқларни “кундалик ҳаёт тарихи” тамойили бўйича тизимли структуралаш асосида такомиллаштирилган;
умумтаълим фанларидан янги авлод дарсликларини яратиш технологиясининг методик компоненти мустақил тайёргарлик, тажрибавий иш, таянч конспектлар тузиш, алгоритмни излаш, билимларни тизимлаштириш, перфорацион карта ва фасет тестларни ишлаб чиқиш, ўқув мозаикаси, билимлар майдонини лойиҳалаш бўйича дидактик блокларнинг узвийлиги ва қайта алоқасини таъминлаш асосида такомиллаштирилган.
Тадқиқотнинг амалий натижалари қуйидагиларда ўз аксини топган:
бенчмаркинг воситасида янги авлод дарсликларини яратиш технологияси ишлаб чиқилган ва амалиётга жорий этилган;
умумтаълим фанларидан илғор хорижий тажрибалар асосида дарслик яратиш босқичлари, тузилмаси, муаллифларни танлаш ва нашр этишнинг даврийлигини аниқлаштиришга доир услубий тавсиялар ишлаб чиқилган;
янги авлод дарсликларини яратишнинг бенчмаркинг лойиҳаси асосида илғор хорижий тажрибалар таҳлил қилинган, муаммо ва ечимлар мажмуи ишлаб чиқилган;
дарсликлар сифатини баҳолашнинг муаллифлик методикаси ишлаб чиқилган ва самарадорлиги баҳоланган.