Ilg`or pedagogik tehnologiyalarning ko`plab usullari mavjud bo‘lib, bu usullardan o‘quvchining yoshi, psixologik xususiyati, bilim darajasiga qarab foydalanish mumkin

Darsning borishi:
Uyga topshiriqlar| tekshirilganidan so'ng "blis" usulida savol-javoblar
o'tkaziladi.
Savollardan namunalar
1. Suyuqlikning idish tubiga bergan bosimi nimalarga bog'liq?
2. Dengiz tubida nima sababdan odam skafandrsiz (havo berib turilsa ham) tura jlmaydi?
3. Gidrostatik bosim nima?
Yangi mavzu mazmunini ochish uchun havo massaga egami, degan
savolga javob olinishi kerak. Buning uchun damlangan va havosi chiqarib
yuborilgan koptok olinib, uning massasi tarozida tortiladi. Savolga javob olinadi. Shpris va pinetka, suvli stakan va qog`oz parchasi yordamida tajriba-namoyish ko'rsatiladi. Shundan so'ng Torrichelli tajribasining mohiyati tushuntiriladi. Almosfera bosimi haqida o'quvchilar 5-sinfda "Tabiiy geografiya boshlang`ich kursi" orqali ma'lumotga egalar. Shu sababli balandlik ortishi bilan atmosfera bosimining kamayishini tezda tushunadilar. Nima sababdan Torrichelli o'z tajribasini simob bilan o'tkazgan, savoliga javobni o'quvchilarning o'zlari topishgani ma'qul. Suyuqlik bilan ishlaydigan va metall barometrlar ko'rsatilib, ishlash prinsipi qisqacha aytib o'tiladi. Manometr tuzilishiga doir plakatdan uning ishlash prinsipi tushuntiriladi. Suv nasoslarining suvni ko'tarish balandligi cheklanganganligi sababi o'rgatiladi. So‘ngra film namoyish qilinadi. O‘quvchilar filmni ko‘rib bo‘lganlaridan so‘ng, o‘quvchilar bilan filmning to‘la mazmuni yoki uning bir qismi yuzasidan savob javoblar o`tkaziladi.
Dars oxirida siqildgan havodan foydalanish hamda Magdeburg sharlari bilan o'tkazilgan Otto Gerike tajribasi aytilsa, o'quvchilarning qiziqishi ortadi. Jihozlar bo`lib, tajribada ko'rsatilsa, darsning qiziqarililigi ortadi.


Xulosa chiqarish uchun savollar
1. Atmosfera bosimi mavjudligini qanday tajribalar tasdiqlaydi?
2. Normal atmosfera bosimi nimaga teng?
3. Nima sababdan atmosfera bosimi o'zgarib turadi?
4. Torrichelli tajribasida naydagi shimob ustuni nega to'kilmaydi?
5. Barometr va manometrlar nimani o'lchaydi?