Hususiy kapital hisobi va auditi

-jadval.
Ta’sis hujjatlarida aks ettirilishi talab etilgan ma’lumotlar

Aksiyadorlik jamiyatlari uchun

Mas’uliyati cheklangan va qo’shimcha mas’uliyatli jamiyatlar uchun

jamiyatning to’liq va qisqartirilgan firma nomi, joylashgan yeri va elektron pochta manzili; faoliyat sohasi va maqsadi; ustav fondining miqdori; jamiyat aksiyalarining soni, nominal qiymati, turlari; jamiyat boshqaruvining tuzilmasi, jamiyat kuzatuv kengashining, taftish komissiyasining va ijroiya organining a’zolari soni, bu organlarni shakllantirish tartibi, ularning vakolatlari; Jamiyat ustav kapitalidagi bitta aksiyadorga tegishli bo’lgan ulushning eng ko’p miqdoriga belgilan cheklov (agar bo’lsa); Davlat tomonidan jamiyatni boshqarishda ishtirok etishga bo’lgan maxsus huquq («oltin aksiya») joriy etilayotgan jamiyat ustavida davlatning mazkur maxsus huquqdan foydalanishi to’g’risidagi qoidalar^19;

jamiyatning to’liq va qisqartirilgan firma nomi; jamiyat faoliyatining predmeti; jamiyatning pochta manzili to’g’risidagi ma’lumotlar; jamiyat organlarining tarkibi va vakolatlari to’g’risidagi, shu jumladan jamiyat ishtirokchilari umumiy yig’ilishining mutlaq vakolatiga kiruvchi masalalar to’g’risidagi, jamiyat organlari tomonidan qarorlar qabul qilish tartibi to’g’risidagi, shu jumladan qarorlar bir ovozdan yoki kvalifikatsion ko’pchilik ovoz bilan qabul qilinadigan masalalar to’g’risidagi ma’lumotlar; jamiyat ustav fondining miqdori to’g’risidagi ma’lumotlar; jamiyat har bir ishtirokchisi ulushining miqdori va nominal qiymati to’g’risidagi ma’lumotlar; jamiyat ishtirokchilarining huquqlari va majburiyatlari; jamiyat ishtirokchisining jamiyatdan chiqish tartibi va uning oqibatlari to’g’risidagi ma’lumotlar; jamiyat ustav fondidagi ulushning boshqa shaxsga o’tishi tartibi to’g’risidagi ma’lumotlar; jamiyatning hujjatlarini saqlash tartibi hamda jamiyat tomonidan jamiyat ishtirokchilariga va boshqa shaxslarga axborot taqdim etish tartibi to’g’risidagi ma’lumotlar; jamiyatning vakolatxonalari va filiallari to’g’risidagi ma’lumotlar^20;

Tekshiruvning asosiy bosqichida auditor korxona yoki jamiyatning ustavda ko’rsatilgan faoliyat turlari bilan tanishib, amalda yuritayotgan faoliyati ustavida ko’rsatilgan faoliyatga mosligini tekshirishi hamda o’z navbatida mazkur faoliyat turlari bo’yicha litsenziyalarning mavjudligini nazorat qilishi talab etiladi.

Auditor aksionerlik jamiyati, mas’uliyati cheklangan jamiyat yoki qo’shimcha mas’uliyatli jamiyatlar ustav kapitalining miqdorlari o’zgarishi yuz berganligini aniqlasa, ushbu o’zgarishlar me’yoriy hujjatlar talablariga mos shaklda amalga oshirilganligini tekshirishi zarur. Ustav kapitali miqdorlarini o’zgartirish bo’yicha talablar - jadvalda keltirilgan.
-jadval.
Ustav kapitalini o’zgartirish qoidalari