Toshkent davlat iqtisodiyot

Nazorat savollari 

1.  Savdo vakilining chegarachi rolini tushuntiring. 

2.  Ta’minotchini strategik tanlashda nimalarga e’tibor berish zarur? 

3.  Potensial mijozlarga ta’sir etish usullariga nimalar kiradi? 

4.  Yaqinlik tamoyili, yoki o‘zaro bitimlarning mohiyatini tushuntiring. 

5.   Mijozlarning  mijozlari  bilan  munosabatlarni  o‘rnatish  zaruriyati  nimadan 

iborat? 

6.  O‘zaro  munosabatlarni  shakllantirishda  servis  xizmatlari  ko‘rsatishning 

o‘rnini tushuntiring. 

 

---

 

65 

 

IV BOB.  SEGMENTLASh VA POZISIYALAShTIRISH 

4.1. Bozorni segmentlash va pozitsiyalashtirish 

Bozorni  segmentlash  -  bu  mazkur  bozordagi  iste’molchilarni  alohida  guruhlarga 

bo‘lish  jarayoni.  Alohida  guruhlarning  har  biri  bozorda  talabning  o‘ziga  xos 

xususiyatini  ko‘rsatadi.  Segmentlash  korxonaga  iste’molchi  uchun  yo‘naltirilgan 

marketing  majmuini  to‘g‘ri  shakllantirishga  imkon  beradi.  Chunki  rag‘batlantiruvchi 

omillar iste’molchining hatti – harakati bilan aynan bir xil bo‘lishi lozim. 

Marketing strategiyasini ishlab chiqish haqida istalgan qarorning negizida bozorni 

segmentlash,  ya’ni  mijozlarni  samaraliroq  targetlash  uchun  bozorni  kichik  va  bir  xil 

sub’ektlarga  taqsimlash  yotadi.  Mijozlarni  tanlash  bu  –  istalgan  sanoat  korxonasi 

tomonidan  qabul qilinadigan eng  muhim  qaror sanaladi, chunki  u bilan  ish sharoitlari 

va  unga  nisbatan  belgilangan  majburiyatlarni  bajarish  zarurati  mablag‘lar  sarflanishi, 

korxona biznes-strategiyasi va tashkiliy tuzimasini belgilab beradi.  

Mijozlarni tanlash ularning orasida «yaxshi» va «yomon» mijozlar borligi sababli 

strategik  ahamiyatga  ega.  «Yaxshi»  mijozlar  ta’minotchi  taklifidan  maksimal  foyda 

olishi  mumkin  bo‘lgan,  shuningdek,  ularning  ehtiyojlari  va  xaridorlik  xulq-atvori 

ushbu  ta’minotchi  imkoniyatlariga  to‘liq  mos  keladigan  mijozlar  hisoblanadi.  Odatda 

ular  firmaga  u  yaxshi  bajara  oladigan  va  uning  strategiyasiga  mos  keladigan  ishlar 

bajarishni taklif etadi. Ular tashkilot muammolarni hal qilishga sarflaydigan resurslarni 

qadrlaydi  va  buning  uchun  pul  to‘lashga  tayyor  bo‘ladi.  Ta’minotchi  uchun  bunday 

mijozlar bilan munosabatlar biznes barqarorligining muhim manbasidir.  

«YOmon»  mijozlar,  aksincha,  firmani  kuchsizlantiradi.  Ular  firmadan  bajara 

olmaydigan  yoki  bajarishni  istamagan,  uning  biznes-strategiyasiga  mos  kelmaydigan 

ishlar  bajarishni  talab  qiladi.  Ular  munosabatlarni  qadrlamaydi  va  ta’minotchi  firma 

ularning  muammolarini  hal  qilishga  sarflaydigan  resurslar  uchun  pul  to‘lashga  tayyor 

bo‘lmaydi. 

Sanoat  bozorini  segmentlashda  bir  qator  mezonlarga  tayanish  tavsiya  etiladi  va 

ular 4.1-rasmda ifodalanadi. 

 

---

 

66