449
Bazaviy panellar to‘g‘irlanib va mahkamlangandan keyin qatorli panellar montaj
qilinadi.
Kran yordamida o‘rnatilishi zarur bo‘lgan joyga uzatilgan va bu sathdan 30
sm balandlikgacha tushirilgan devor panelini montajchilar qabul qilishadi va
burilmasligi uchun uni ushlab turishadi, to‘shalgan qorishma ustiga yetkazmasdan
3...4 sm balandlikda ushlab turishadi. Shunday holatdagi panelga pastki shtanga
mahkamlanadi (kommunika-tsiyalarni o‘tkazish uchun mo‘ljallangan teshikka),
so‘ngra ustidan ikkita shtanga oldin o‘rnatilgan panelbilan fiksatsiyalash uchun
mahkamlanadi.
Panelning yon tomonini o‘q belgisi chizig‘iga orientirlab,
panel qorishma
to‘shamasi ustiga tushiriladi. Uchta nuqtada mahkamlangan bu panel mujburiy
tartibda loyihaviy holatni egallaydi. O‘rnatilgan panel stropdan bo‘shatiladi,
qorishma bilan to‘liq to‘ldirilib, chiqib turgan ortiqcha qismi olib tashlanadi, yangi
navbatdagi panelni o‘rnatish uchun joy tayyorlanadi.
Fiksatsiyalashning uchta nuqtasi bo‘yicha qorishma to‘shamasiga panelni
tushirishda uning bazaviy geometrik o‘qlarga nisbatan paralelligi kafolatlanadi.
O‘rnatiladigan panellar orasidagi talab etilgan masofa (oraliq)ga erishish har bir
navbatdagi shtangani oldin o‘rnatilgan shtangaga birlashtirish bilan ta’minlanadi.
Shtangalarni bir-biriga lyuftsiz va panellar bilan o‘qlar bo‘yicha birlashtirish
montajning yuqori aniqlikda bajarilishiga imkon beradi. Ichki bo‘ylama panellarni
montaj qilish ularni oldin o‘rnatilgan ko‘ndalang
ichki devorlarga montaj
bog‘lamalari yordamida vaqtinchalik mahkamlash bilan olib boriladi.
Ichki yuk ko‘taruvchi panellarni sektsiya chegarasida montaj qilib
bo‘lgandan keyin tsokol panellari montaj qilinadi. Tashqi (tsokol) paneli kran
yordamida o‘rnatish joyiga uzatiladi, geodezik rejalashning o‘q belgisi chiziqlari
bo‘yicha orientirlanib, qorishma to‘shamasi ustiga tushiriladi va panelning pastki
qismi uzil-kesil o‘rnatiladi. So‘ngra panel montaj bog‘lamalari
bilan
mahkamlanadi. Panelni mahkamlash quyidagi tartibda olib boriladi. Montaj
450
bog‘lamasining qamrovchi ilmog‘i montaj qilinadigan tsokol panelining ko‘tarish
halqasiga, strubtsina esa ichki ko‘ndalang devor panelining yuqori qismiga
mahkamlanadi. Oldindan himoyalovchi vtulka ilmoq tomon suriladi va u tortish
gaykasi bilan qisiladi. Shunday tarzda panelni ikkita ichki tutashuvchi panelga
mahkamlash amalga oshiriladi, bu ishlar maxsus tagliklar yoki so‘rilar yordamida
olib boriladi.
Vaqtinchalik mahkamlash ishlaridan keyin montaj bog‘lamaning tortqili
muftasini burash orqali panel qiyaligi o‘zgartirilib panel to‘g‘irlanadi. To‘la-to‘kis
to‘g‘irlangandan keyin panel stroplardan bo‘shatiladi. Undan keyin panel yengil-
elpi yamaladi, qorishma tanlanadi va navbatdagi tashqi panelni o‘rnatishga
tayyorgarlik ko‘riladi.
Qamrovdagi ichki va tashqi devor panellari
ishlab bajarish loyihasiga
muvofiq montaj qilinib va doimiy mahkamlangandan keyin montaj moslamalari
olib tashlanadi va orayopma panellarini montaj qilinadi. Yerto‘la (podval) ustidagi
orayopma panellari montaji boshlangunga qadar tayyorgarlik jarayonlari bajariladi
– devor panellaridagi montaj halqalari kesib olinadi, qorishma yoyiladi, montaj
uchun moslama va asboblar tayyorlanadi.
Orayopma panellarini ko‘tarish to‘g‘ridan-to‘g‘ri
panel tashiydigan
avtomobildan (9.25. rasm) yoki ob’ekt oldi omboridagi piramidadan amalga
oshiriladi. Qo‘llanilayotgan yuk qamrovchi qurilma panelni yotqizish joyiga
ko‘chirish jarayonida uni vertikal holatdan gorizontal holatga avtomatik o‘tkazish
imkonini beradi (9.26. rasm). Montaj joyiga uzatilgan panelni montajchilar 30...50
sm balandlikda qabul qilishadi va ohista yuk ko‘taruvchi devor ustiga tushirishadi.
Montajchilar tarang tortilgan stroplardagi panelni montaj lomi yordamida
ko‘chirish bilan loyihaviy holatga to‘g‘irlashadi. Panel uzil-kesil to‘g‘irlangandan
keyin va u loyihaviy holatdan og‘magan bo‘lsa, u stroplardan bo‘shatiladi.
451
9.25-rasm. Orayopma panellarini ilish, ko‘tarish va qirrasi bilan ko‘tarib burib siljitish
bo‘yicha bajariladigan operatsiyalar ketma-ketligi:
1 – panelni yuqori ko‘tarish ilmoqlaridan ilish; 2 – panelni
transport ehtiyot kanatidan
bo‘shatish; 3 – panelni pastki ko‘tarish ilmoqlaridan ilish 4 – panelni montaj joyiga ko‘tarishni
boshlanishi; 5 – panelni qiya holatdan gorizontal holatga avtomatik o‘tkazish; 6 – panelni
loyihaviy holatga o‘rnatish.
Orayopmaning birinchi panelini montajchilar qabul qilishadi va uni
loyihaviy holatiga vertikal proektsiyasi chegarasidan tashqarida uni tayantirish
joyiga oldindan o‘rnatilgan maxsus tagliklardan o‘rnatishadi.
452
.
9.26-rasm. Yuk ko‘taruvchanligi 10 t bo‘lgan ilmoqlari distantsion yechiladigan universal
traversa:
1 – osma ilmoq; 2 – bloklarga ega bo‘lgan halqa; 3 – bog‘lovchi tarmoq; 4 –
tenglashtiruvchi arqon.
Birinchi qamrovda konstruktsiyalar
montaji yakunlagandan keyin,
montajchilar zvenosi ikkinchi qamrovga o‘tishadi va u yerda ham xuddi
yuqoridagidek ketma-ketlikda ishlarni olib borishadi. Bu vaqtda birinchi qamrovda
yo‘l-yo‘lakay bajariladigan jarayonlar – vertikal tutashmalarni germetiklash va
yaxlitlash, panellar orasidagi tutashuvlarni tugatish va h.z. ishlarga kirishiladi.
Do'stlaringiz bilan baham: 
