Халқ таълими вазирлиги

1.5. Амалий хорижий тил (8 соат)
Тилни ўрганишга оид билим ва амалий кўникмаларни шакллантириш ва ривожлантириш бўйича йўриқлар.
Кундалик турмушда ва ўқув жараёнида қўлланиладиган сўз ва иборалар ҳамда улар ёрдамида мулоқот қилиш бўйича кўрсатмалар.
Инглиз тилида информатика ва ахборот технологиялари фанига оид атама ва тушунчалар, информатика ва ахборот технологияларига оид матн тузиш, таҳлил қилиш, мулоқотга киришиш ва ўз фикрини баён қила олиш.

2. 
   МУТАХАССИСЛИК ФАНЛАРИ (54 соат)
   

2.1. Информатика ва ахборот технологиялари фанини ўқитишга инновацион ёндашувлар (18 соат)
Информатика ва ахборот технологиялари фанини ўқитишнинг долзарб вазифалари, илғор халқаро тажрибалари ва фанни ўқитишга қўйилаётган замонавий талаблар. Замонавий дарснинг асосий хусусиятлари ва тамойиллари. Замонавий дарсга қўйиладиган талаблар. Замонавий дарсни лойиҳалашнинг дидактик асослари.
Информатика ва ахборот технологиялари дарсларини компетенциявий ёндашув асосида ташкил қилиш. Информатика ва ахборот технологиялари фанидан ўқувчиларда мулоҳаза юритиш, моделлаштириш, муаммони ҳал қилиш, информатика ва ахборот технологиялари тилида мулоқот қилиш ва маълумотлар билан ишлаш амалий компетенцияларни шакллантириш. Муаммоли таълим ёндашувлари: шахсга йўналтирилган, ҳамкорликда ўрганиш ва эвристик таълим технологиялари. Информатика ва ахборот технологиялари дарсларида ўқувчиларнинг креатив ва танқидий фикрлаш ҳамда тадқиқот ўтказиш кўникмаларини шакллантириш. Ўқувчиларнинг STEAM таълим технологияси асосида лойиҳа фаолиятини ташкил қилиш.
Информатика ва ахборот технологиялари фани бўйича жорий этилган янги ДТС (Миллий ўқув дастури), ўқув дастурлари, дарслик ва ўқув-услубий қўлланмаларининг мазмуни ҳамда таҳлили. Ўқувчилар билим ва кўникмаларини баҳолашга янгича ёндашувлар.
PISA - ўқувчилар ютуқларини халқаро баҳолаш тадқиқотларида информатика ва ахборот технологиялари фанидан PISA тадқиқотлари синов топшириқларининг ўзига хос хусусиятлари ва таҳлили. PISA синов топшириқларининг турлари ва уларни баҳолаш мезонлари. PISA тадқиқотлари билан ўқувчиларни таништириш ва уларни бу тадқиқотларга тайерлаш бўйича йўл-йўриқлар.
TIMSS халқаро баҳолаш тадқиқотининг ўзига хос хусусиятлари ва информатика ва ахборот технологиялари фанидан топшириқ намуналари таҳлили ҳамда уларни баҳолаш мезонлари.