Курс ҳажми
Малака ошириш курси 144 соатни ташкил этади.
ИНФОРМАТИКА ВА АХБОРОТ ТЕХНОЛОГИЯЛАРИ ФАНИ ЎҚИТУВЧИЛАРИ МАЛАКАСИНИ ОШИРИШ КУРСИ ЎҚУВ МОДУЛЛАРИНИНГ МАЗМУНИ
КАСБИЙ РИВОЖЛАНИШ МОДУЛЛАРИ (36 соат)
1.1. Ўзбекистон Республикаси умумий ўрта таълим соҳасидаги давлат сиёсатининг долзарб масалалари (6 соат)
Янги таҳрирдаги “Таълим тўғрисида”ги Қонун. Ўзбекистон Республикаси Президенти хамда Вазирлар Махкамасининг таълим тизимига тегишли долзарб фармон, фармойиш ва карорлари тахлили.
2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси доирасида сиёсий-ижтимоий, иқтисодий, маънавий-маърифий соҳаларда амалга оширилаётган ислоҳотлар.
Ўзбекистон Республикаси Халқ таълими тизимини 2030 йилгача ривожлантириш концепциясида белгиланган устувор вазифалар.
Ўзбекистон Республикаси Президентининг “Информатика ва ахборот технологиялари соҳасидаги таълим сифатини ошириш ва илмий-тадқиқотларни ривожлантириш чора-тадбирлари тўғрисида” 2020-йил 7-майдаги ПҚ-4708-сон қарори мазмун-моҳияти.
Халқ таълими вазирлигининг буйруқларида белгиланган таълим-тарбия соҳасидаги долзарб вазифалар таҳлили.
1.2. Касбий компетентлик ва уни ривожлантириш омиллари (8 соат)
Ўқитувчи касбий фаолиятининг мазмуни ва хусусиятларига қўйилаётган замонавий талаблар. Касбий компетентлик ва уни ривожлантириш омиллари.
Таълим-тарбия жараёнида ўқитувчи-ўқувчи муносабатларининг ўзига хослиги. Педагогик низолар ва уларни бартараф этиш усуллари. Ўқитувчиларнинг руҳий саломатлигини сақлаш усуллари.
Дарсда ўқувчилар фаолиятини бошқаришнинг психологик жиҳатлари: диққатни тортувчи нигоҳ (кўз қарашлари), юз имо-ишоралари (мимика), тана ҳаракатлари (жест), ҳис-ҳаёжон (эмоция), овознинг паст-баладлиги (тембр) ва сўзлаш суръати (Япония лойиҳаси материаллари асосида).
1.4. Информатика ва ахборот технологиялари фанини ўқитишда АКТ дан самарали фойдаланиш (14 соат)
Информатика ва ахборот технологиялари фанини ўқитиш жараёнида ахборот-коммуникация технологиялари ва педагогик дастурий воситалардан фойдаланиш. “Кундалик” автоматлаштирилган таълим ахборот тизимида электрон журнал билан ишлаш бўйича кўрсатмалар. Телевидениеда берилаётган “Online-мактаб”, “Online-тўгарак”, “Online-репититор” ва “Касбий ривожлантириш курси” ресурсларидан информатика ва ахборот технологиялари фанини ўқитиш жараёнида самарали фойдаланиш.
Информатика ва ахборот технологиялари фанини ўқитишда амалий дастурлар ва мультимедиа технологияларини қўллаш. Ўқув машғулотларини самарали ташкил этишда электрон кўргазмали дидактик материалларни тайёрлаш ва тақдим этиш имкониятлари.
Информатика ва ахборот технологиялари iSpring Suite дастури ёрдамида электрон дидактик материаллар тайёрлаш ва улардан фойдаланиш имкониятлари.
Информатика ва ахборот технологиялари фанидан масофали ўқитишни ташкил килиш усуллари. Масофали ўқитишни ташкил этиш платформалари. Электрон курсларни ташкил этишда фойдаланиладиган Google Classroom, Moodle платформалари имкониятлари. Видеоконференция шаклида мулоқот қилиш учун Zoom, G Suite (Hangouts), Microsoft Teams платформалари имкониятлари.
Очиқ информатика ва ахборот технологиялари таълим ресурслари. Coursera, Intuit, Edx, Khan Academy ҳамда маҳаллий очик онлайн курслардан фойдаланиш.
Таълим жараёнида Web технологиялардан фойдаланиш. Педагогик фаолиятда электрон таълим контентини яратиш.
Do'stlaringiz bilan baham: |