Халқ таълими вазирлиги

2.2. Информатика ва ахборот технологиялари фанини ўқитиш методикаси (36 соат)
Мактабда информатика ва ахборот технологиялари фани мазмунини ихчамлаштириш ва ҳаётга яқинлаштириш ҳамда уни ўқитиш методларини такомиллаштиришга янгича қарашлар.
Информатика ва ахборот технологиялари фанини ўқитишда илмий изланиш ва тадқиқот методларидан фойдаланиш. Тажриба, анализ ва синтез, индукция ва дедукция, таққослаш ва аналогия, умумлаштириш, абстракциялаш, аниқлаштириш, таснифлаш методлари.
Лойиҳа ва тадқиқот усуллари. Кейс-стади (муайян хаётий вазиятни ўрганиш) технологиялари.
Ўқувчиларда компетенцияларни шакллантиришда фанлараро боғланишлардан фойдаланиш.
Мулоҳаза юритиш-фикрлашга ундовчи саволлар ёрдамида дарсни ташкил қилиш методикаси. Дарсда ўқувчиларга кўрсатма (йўриқ) лар бериш методикаси (Япония лойиҳаси материаллари асосида).
Информатика ва ахборот технологиялари фанидан ўқувчиларнинг ўзлаштирган билим, кўникма ва компетенцияларини баҳолаш бўйича хорижий тажрибалар ва янгича қарашлар. Форматив (жорий) ва сумматив (оралиқ) баҳолаш турлари. Баҳолаш тамойиллари ва мезонлари. Дарс мақсадлари ва баҳолаш мезонлари орасидаги мутаносибликлар. Назорат ишлари мазмуни, уларни тузиш ва баҳолаш бўйича кўрсатмалар.
Информатика ва ахборот технологиялари фани мавзулари бўйича масалаларни компьютер ёрдамида ечиш йўллари ва уларнинг таҳлили. Дастурлар тузишга доир методик кўрсатмалар.


III. ТАНЛОВ МОДУЛИ (ЭЛЕКТИВ КУРС) (36 СОАТ)
Мазкур модулнинг мазмуни тингловчиларнинг эхтиёжлари асосида шакллантирилади ва тингловчилар гуруҳи томонидан танланади. Блок бир нечта алоҳида танлов модули (электив курс) лардан иборат бўлиб, тингловчилар гуруҳи ўз эҳтёжларидан келиб чиқиб, уларнинг биттасини танлайдилар. Ҳар бир модулни ўрганиш 36 соатга мўлжалланган бўлиб, улар амалий машғулот ва мустақил таълим шаклида ўтказилиши мумкин. Шунингдек, танлов модулини мавзуларнинг белгиланган соатлари ҳажмидан келиб чиқиб, 36 соатлик аралаш модул сифатида ҳам ташкил қилиш мумкин. Унга тингловчилар гуруҳининг бошқа эҳтиёжларидан келиб чиқиб, дастурга келтирилмаган информатика ва ахборот технологиялари фани мазмунига доир янги мавзулар ҳам қўшилиши мумкин.