Халқ таълими вазирлиги

Малака ошириш курсининг ўқув дастури қуйидаги модулллардан ташкил топган:
I. Касбий ривожланиш модуллари
1.1. Ўзбекистон Республикаси умумий ўрта таълим соҳасидаги давлат сиёсатининг долзарб масалалари
1.2. Касбий компетентлик ва уни ривожлантириш омиллари
1.3. Информатика ва ахборот технологиялари фанини ўқитишда АКТ дан самарали фойдаланиш
1.4. Амалий хорижий тил
IП. Мутахассислик фанлари
2.1. Информатика ва ахборот технологиялари фанини ўқитишга инновацион ёндашувлар
2.2. Информатика ва ахборот технологиялари фанини ўқитиш методикаси
IП. Танлов модули (қуйидагилардан бири танланади)

• 
  Мантиқ тушунчаси, компьютернинг арифметик асослари ва улар устида амаллар бажариш;
  
• 
  Ижтимоий тармоқ имкониятларидан фойдаланган ҳолда информатика ва ахборот технологиялари фанини ривожлантириш;
  
• 
  Дастур ва дастурлаш асослари;
  
• 
  Веб – технологиялари ва уларнинг имкониятларидан фойдаланиш;
  
• 
  Электрон жадваллар билан ишлаш ва маълумотлар омборини ташкил этиш;
  
• 
  Компьютер графикаси;
  
• 
  Ўқувчиларни информатика ва ахборот технологиялари фандан олимпиадаларга ва интелектуал мусобақаларга тайёрлаш.
  

Курснинг мақсади ва вазифалари
Информатика ва ахборот технологиялари ўқитувчилари малакасини ошириш курсининг мақсади – таълим-тарбия жараёнининг самарадорлигини ошириш учун зарур бўладиган касбий билим, кўникма ва малакаларни мунтазам янгилаш, мустақил амалий фаолиятда қўллаш, малака талаблари асосида уларнинг касбий компетентлигини ривожлантиришдан иборат.
Курснинг вазифаларига қуйидагилар киради:
тингловчиларга жамиятда амалга оширилаётган ижтимоий-иқтисодий ислоҳотлар ва таълим-тарбия жараёнларини ташкил этишнинг ҳуқуқий-меъёрий асосларини мунтазам ўрганиш;
информатика ва ахборот технологиялари фанини ўқитишда илғор таълим-тарбия технологиялари ва хорижий тажрибаларни ўрганиш;
информатика ва ахборот технологиялари ўқитувчиларини техник ва креатив фикрлаш, интеллектуал қобилиятларини ривожлантириш;
информатика ва ахборот технологиялари ўқитувчиларини хорижий тилни ўрганишга йўналтириш;
ўқув жараёнини фан ва ишлаб чиқариш билан самарали интегратциясини таъминлашга қаратилган фаолиятни ташкил этиш;
малака талабларига мос ҳолда информатика ва ахборот технологиялари ўқитувчиларининг фанга доир касбий билим, кўникма, малака ва компетенцияларини инновацион ёндашувлар асосида узлуксиз янгилаб бориш ва ривожлантириш.